Yohane 11:28 - Mawu a Mulluku

²⁸ Marita allotilleeye ella, aamwiithana mwanamunne Mariya vaweekhiiwa nave aamulleella wi, “Ahuddihi aaphiya nave ennawiithana weyaano.”

Yohane 11:28 ပူးပေါင်းရင်းမြစ်များ

Yohane 13:13

Nyuwaano munakeera ‘Ahuddihi’ Navettho ‘Apwiya.’ Munnallota phaama vawi miyaano tti yooyo.

Yohane 11:20

Vano Marita iiwalleeye wi Yesu animawa, aaya woomuchingamella koma Mariya aahalla mpa.

Mariko 10:49

Yesu ahiimella allota wi, “Mwiithaneni awe.” Sika yaamwiithana muthu oohoonooyo ellota wi, “Llipa murima, venya, animawiithana.”

Yohane 21:7

Oohuddera olle Yesu amukondilleeye aamulleella Petro wi, “Tti Apwiya!” Vano Simoni Petro iiwalleeye wi yaari Apwiya aawara yawiikhuneellaaye kaambiiwa khaawarille phaama nave aalluphella mu enyanja.

Yohane 20:16

Yesu aallota wi, “Mariya!” Mariya aarukunuwa allota mu Eheberi wi, “Raboni.” Ottaphullella wi, “Ahuddihi.”

Yohane 10:3

Oowehera a vamullakoni annamuhullella mullakooyo nave enkhosa ddinniiwa mawaaye. Annaddiithana enkhosa ddayennddo manddiniiwa nave annaddihoollella vaatte.

Yohane 1:45

Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Yohane 1:41

Enthawi yeeyo aaya wa mwanamunne Simoni nave aamulleella wi, “Hi noomphwanya Mesiya.” (Mesiya anattaphullella Khrisitu.)

Luka 22:11

Mwallote ni mwaneena a enyumbeeyo wi, ‘Ahuddihi enakoha wi, eri wuuwi echipindaaka mwawi miyaano ni oohudderaaka nachellemo yoocha ya Paska?’

Mariko 14:14

Nave avollowa mpa, mwallote ni mwaneena a enyumbeeyo wi, ‘Ahuddihi enakoha wi, eri wuuwi echipindaaka mwawi miyaano ni oohudderaaka nachellemo yoocha ya Paska?’

Mateyu 26:18

Olliye ahaalleella wi, “Khaweni wa muthu mmodda m'muzindanimmo, mwamulleelle wi, ‘Ahuddihi enallota wi enthawaaka yohaatamella, kinaachelle owaninyu yoocha ya Paska ni oohudderaaka.’ ”

Zekariya 3:10

Nllapo nenno attheenenyu muneerewiithanihana wi mwahakallallelle murendellaanyu, arive muthu ari va muteekhwaaye wampesa ni wanamukuyu. Mi Apwiya Amasiva Mattheene koollota.’ ”

Aheberi 12:12

Sika okollani mattaanyu oofooka ni makutthaanyu oovelleveddeya.

1 Atesalonika 5:11

Sika mullipihaneke murima ni okaviherana wonanko mmo muneerelleenyu.

Yohane 11:29

Nave Mariya iiwalleeye nndda, aatimulla mwawaakuva aya wa olliyooyo.

Yohane 11:30

Yesu aari ahinaphiye owaaninko nave aari vanipuroni mvo Marita akumanneeyena.