Yohane 11:26 - Mawu a Mulluku

²⁶ Nave oyo ari mukumi nave anakikhulupilila miyaano khawa akhwa. Onnakhulupilila ddenndda?”

Yohane 11:26 ပူးပေါင်းရင်းမြစ်များ

Yohane 10:28

Nave kinnaddivaha okumi woohimalla, khaddiwa ddikhwa. Khaavo muthu anaakaakhe ddennddo ovenyera mu nnatta naka.

Aroma 8:13

Vawi mwakhalla moollikana ni omuthwaanyu, muneerokhwa koma mwahiya ddaweera ddanyu ddoonanara mookaviheriwa ni Munepa Waweella, muneerokhalla akumi.

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

Yohane 14:10

Khonakhulupilila wi miyaano kiri mwa Attiitthaaka nave Attiitthaaka eri mwa miyaano? Mawu ayo kinalloteemi wa nyuwaano nginallota mwa olamulello wa miyaano meekhaaka koma Attiitthaaka ookhalla mwa miyaano enneera mitteko ddiwa mwa miyaano.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Mateyu 9:28

Yesu avollowille mpa, athu eelli oohoonaalle yaawa nave ahaakoha wi, “Munnakhulupilila wi miyaano ttuuwora wuuchirihani?” Yahaakhulla wi, “Ee, Apwiya!”

Yohane 9:35

Yesu iiwalleeye ddeereyillennddo, aamuphwanya muthu achirihiwoolle nave aamukoha wi, “We onnakhulupilila mwa Mwaana a Muthu?”

Mariko 9:23

Yesu aallota wi, “Kaaworaka? Ddittheddene ddinaworeya ni oyo ari ni echikhulupililo.”

Mateyu 26:53

Ethiyo onaganiza wi ngaawore waaveka Attiitthaaka wi enthawi yeeyo ekirumihelle milloko dduullupalli dda akhoto dda angelo ddookhwaranya khumi ni meelli?

Yohane 6:47

Ddawoona, kinimuulleellani wi, yooyo anakhulupilila ookhalla ni okumi woohimalla.