Yohane 11:19 - Mawu a Mulluku

¹⁹ Nave Ayuda anchichi yaari ewiille wa Marita ni Mariya wi yaakhurumuse murima ekaamba ya okhwa wa Lazaro.

Yohane 11:19 ပူးပေါင်းရင်းမြစ်များ

Yobu 2:11

Vano akhwaaye araru a Yobu, Elifazi Mutemani, Bilidadi Mushuki ni Zofari Munaama, yiiwalliiwa dda ddoohoosannddo ddammorenlle, yaawa mwawiiwanana wi emupepese ni omukhurumusa murima.

Yohane 11:31

Vano Ayuda ayo yaari mpa, emukhurumusaka murima, yaamoona Mariya atimullalle mwawaakuva akhumaka vaatte. Alliwaayo yaamuthwara vawi yaganiza wi anaya o mahame wi inlleke wenko.

1 Atesalonika 5:11

Sika mullipihaneke murima ni okaviherana wonanko mmo muneerelleenyu.

1 Atesalonika 4:18

Sika vano mullipihaneke murima ni mawu yaalla.

2 Akorinto 1:4

Mulluku annanikhurumusa murima mu ddoohoosa ddahu ddittheddene wi niworettho waakhurumusa murima akhwiihu ayo eri mu ddoohoosa ddoohiyanahiyana moollikana ni mmo hiyaano nakhurumuselliweehu murima.

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Maliro 1:21

Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Yobu 42:11

Vano asinne attheene ni arokoriye attheene vamodda ni attheene oomudduwella yaawa echana nimodda mpa mwaye. Nave yaamupepesa, emukhurumusa murima ekaamba ya ddoohoosa ddittheddene nnddo Apwiya yamorihelliiwa va olliye. Sika arive muthu mwa alliwaayo aamuvaha makobiri ni emphete yagolide.

2 Samuele 10:2

Vano Davide aallota wi, “Mi kineeromurumeyella Hanuni, mwaana a Nahashi, moororomelleya vawi attiitthinnya yaaroromelleya.” Sika Davide ahaarumiha oorumeyellaaye wi yamukhurumuse murima Hanuni ekaamba ya okhwa wa attiitthinnya. Vano oomurumeyella Davidooyo yaaphiya mu ellapo ya Aamoni.

Genesis 37:35

Anaaye attheene aallopwana ni aatthiyana yaawa wi emukhurumuse murima koma olliye aakhoota ni wi, “Kinaakhalle kinllaka maliro a mwanaka ophiyera kivollowille mu mahame mmo muri olliyooyo.” Sika aavirellella winlla ekaamba ya Yosefe mwanaye.

Yesaya 51:19

Ddoohoosa piilli ddohuumorella, ellapwaawo yoomora ni woonongeya, athwaawo aatthollowa ni ettalla ni ekhoto. Ttaani anaaweerelle echifundo? Ttaani anuukhurumuse murima?

Oollalleya 7:2

Oya omalironi tti wookhwaranya oya omachellelloni. Vawi okhwa sika mamallihello a athu attheene, vano akumi eganizeke phaama dda ddenndda.

1 Samuele 31:13

Vatulli viwa yaakusa makhuviiwa yaavittha vatthi va muteekho mung'onong'ono wabwemba o Yabeshi nave yaahalla ocha* wa mallapo matthanu ni meelli.

1 Epilli 10:12

allopwana attheene oollipa murima yaatimulla eya yakusa mutembo wa Saulo ni mitembo dda anaaye ewaana o Yabeshi. Nave yaavittha makhuviiwa vatthi va muteekho wamuthundu o Yabeshi nave yaahalla ocha* wa mallapo matthanu ni meelli.

Luka 10:39

Aakhalla ni mwanamunne nnddina naye Mariya. Mariyooyo aakeraatthi vakhuviru ni Apwiya iiwellellaka nnddo yahuddihiiwa.

Luka 10:42

Koma ello emoddave sika enapaalleya. Mariya ootthoolla ello yaphaama, yawi khawattho aakhiwa.”

Yohane 1:19

Olla sika omboni wa Yohane mvo attekweene a Ayuda* a o Yerusalemu yaarumalliiwa allupa mukutho ni Alevi, oorumeyella allupa mukutho wi yamukohe Yohane wi, “We ttaani?”

Yohane 11:1

Muthu mmodda, nnddina naye Lazaro aamavoriiwa. Akhalla o Betaniya, m'muzi mmo Mariya ni mwanamunne Marita yakhalliiwa.

Yohane 11:8

Oohudderaalle yahaakhulla wi, “Ahuddihi, Ayuda wenko yaheeseesa owiiphani vawuuvokhani malluku nave vano munayattho wenko?”

Yohane 11:33

Yesu aamoonilleeye Mariya ni Ayuda ayo yaari ni olliye yinllaka, aahoowa wunchichi m'murimani mwaye.

Yohane 11:36

Sika Ayudaalle yaallota wi, “Ngamooneni, aamukonda wunchichi!”

Yohane 11:45

Anchichi a Ayuda, ayo yawiille wa Mariya nave yoona eyo Yesu eerilleeye, yaakhulupilila mwa olliyooyo.