Yohane 10:6 - Mawu a Mulluku

⁶ Yesu ahaalleella niphwanaphwaniho nenna koma khayaawiiwesesille ottaphullella wene.

Yohane 10:6 ပူးပေါင်းရင်းမြစ်များ

Yesaya 56:11

Tti wonanko anapwa. Naari abusa khenna ezeru vawi arive muthu aneera eneeta ettilla ddaye nave anapaalla ddoomuddivella yeekha.

Miyambo 28:5

Athu oonanara kheniiwesesa echiweruzo koma ayo enawaashaasha Apwiya enniiwesesa wunchichi.

Masalimo 82:5

Khenadduwella ello navettho kheniiwesesa, enneeta mwiipiphini, Matthipello a ellapo yavatthi aatikheya.

Yohane 16:25

“Kohuulleellani ddeko ddenndda mu maphwanaphwaniho. Koma enthawi enimawa yawi ngillota ni nyuwaano mu maphwanaphwaniho koma kinaallote mwawiiweya dda Attiitthaaka.

Mateyu 13:51

Yesu ahaakoha wi, “Moohiiwesesa ddeko ddittheddenenndda?” Yahaakhulla wi, “Ee.”

Daniele 12:10

Anchichi eneeroddeelliha nave eneereweella, oohikhalla ni yooripiha. Koma oonanara eneerovirellella onanara. Khaavo naari mmodda mwa alliwa aniiwesese ddenndda koma yaayove eri ni ezeru eneerewiisesesa.

Masalimo 106:7

Makhollwaahu yaariiwa o Iguputo, kheyaapwathille ddoottikhiniha ddanyu. Kheyaawuupuwelle wunnuwa wa echikondaanyu yoohisintheya, koma yaamuwukila Mulluku Amasiva Mattheene o Enyanja Yoofiira.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

1 Akorinto 2:14

Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

Yohane 8:43

Khamuniiwesesa ddoollota ddaka kaambiiwa tini? Kaambiiwa khamunapaalla wiiwa mawaaka.

Yohane 8:27

Kheyaawiiwesesa wi Yesu allota dda Attiitthinnya.

Yohane 7:36

Anallota wi, ‘Muneerokaashaasha koma khamukiphwanya navettho khamuwora oyaawo nko kinaakhallekeemiwo.’ Anaaka tini?”

Yohane 6:60

Anchichi a oohudderaaye yahiiwa ddenndda nave yaanallota wi, “Ehuddiho yeella tti yookatamiha. Anaayiiwesese ttaani?”

Yohane 6:52

Vano Ayuda yahaamba okambirana mmodda ni mukhwaaye wi, “Muthu yoolla anaanivahe mwiillaaye mwawiidde wi niche?”

Mateyu 13:34

Yesu aphariha mutteko maphwanaphwaniho voollotani ddeko ddittheddenenndda wa athu. Khaallota erive ello wa alliwaayo moohiphariha mutteko niphwanaphwaniho.

Mariko 4:34

Khaallota erive ello wa alliwaayo moohiphariha mutteko niphwanaphwaniho. Koma akhalla yeekhaaye ni oohudderaaye aanaatthopoollella ddittheddene.

Yohane 16:29

Oohudderaaye yaallota wi, “Vano munnallota mwawiiweya, moohiphariha mutteko maphwanaphwaniho.

2 Petro 2:22

Eyo yeereye wa alliwa enooniha ddawoona dda miyambi ddawi, “Mwanapwa annahokollweella acha nnddo arapheyilleeye” navettho wawi, “Ekumba yoohapihiwa ennahokollweella wuupuruwa vamatokwini.”