Yohane 10:34 - Mawu a Mulluku

³⁴ Yesu ahaakhulla wi, “Moolembiwa m'malamulwaanyu wi Mulluku aallota wi, ‘Nyuwaano tti milluku.’

Yohane 10:34 ပူးပေါင်းရင်းမြစ်များ

Eksodo 7:1

Apwiya yaamwaakhulla Mose wi, “Ngoona, kineeroweeriha wi okhalle wonanko Mulluku wa Farao nave mwanamunno, Aroni, sika anaakhalle wonanko eyanwaawo.

Masalimo 82:1

Mulluku annahoollella mutthukumano wooddullu, annakamulla millatu dda milluku.

Eksodo 4:16

Olliye aneerekollota wa athu munipuroni mwawo. Aneerokhalla wonanko eyanwaawo nave weyaano onaakhalleke wonanko mullukwaaye.

Masalimo 138:1

Nyu Apwiya, kinnuuthokozani ni murimaaka muttheene ni wiipa machipo awuutitimihani vamiitthoni va milluku.

Eksodo 22:28

“Ohimullotelleke epewe Mulluku nave ohimutembeleleke muthu oyo anaahoollella athwaawo.

Yohane 8:17

Nave ddoolembiwa m'malamulwaanyu wi omboni wa athu eelli tti woororomelleya.

Yohane 15:25

Ddaari ddiidda wi mawu oolembiwa m'malamuloni yakwakhwanihiwe awi, ‘Yaakiita kihaalakwenlle.’

Yohane 12:34

Athwaalle yaamwaakhulla wi, “Nahiiwa hiyaano m'malamuloni wi Mesiya* aneerokhalla ni okumi woohimalla. Sika kaambiiwa tini nyuwaano munallotelleenyu wi Mwaana a Muthu anaphwanella otthomeyiwa vamutandani? Mwaana a Muthu yoolla ttaani?”

1 Akorinto 14:21

Mu mawu a Mulluku moolembiwa wi, Apwiya enallota wi, “Kineerollota wa athwaaka oyeella mu athu oollota ellotello ddoohidduwanyeya. Kineerollota oyeella mu eyano dda alleto, koma naari kenre ddiidda athwaaka khekiiwellella.”

Yohane 10:35

Ninnadduwella wi mawu a Mulluku enallota ddawoona enthawi ettheene. Nave Mulluku ahaaromolla athu ayo aavahilleeye mawaaye, milluku.