Yohane 10:31 - Mawu a Mulluku

³¹ Ayudaayo wiillittho yaatota malluku wi emuvokhe wi emwiiphe.

Yohane 10:31 ပူးပေါင်းရင်းမြစ်များ

Yohane 8:59

Vano yaatota malluku wi emuvokhe Yesu. Koma Yesu ahiipittha yeekhaaye nave akhumamo mu enyumba ya Mullukweelle.

Yohane 5:18

Ekaamba ya yeella Ayuda yahaanjerera opaalla omwiipha vawi khaathwanre lamulo na nllapo na Sabata navettho aanamweera Mulluku wi tti Attiitthinnya wiillikaniha yeekhaaye ni Mulluku.

Yohane 11:8

Oohudderaalle yahaakhulla wi, “Ahuddihi, Ayuda wenko yaheeseesa owiiphani vawuuvokhani malluku nave vano munayattho wenko?”

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.

Eksodo 17:4

Sika Mose aavekella wa Apwiya mookhuwa allota wi, “Ethiyo keerena tini athu yaalla? Alliwaalla ehannlle vang'ono okivokha malluku.”

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Mateyu 23:35

Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.

Mateyu 21:35

Oollimaayo yahaaphara allupa muttekwaayaayo, emuukutha mmodda, emwiipha mmodda navettho yaamwiipha mmodda voomuvokhani malluku.

Mateyu 12:14

Koma Afarisi yaakhuma nave yahiiwanana wi emwiiphe Yesu.

Yohane 1:19

Olla sika omboni wa Yohane mvo attekweene a Ayuda* a o Yerusalemu yaarumalliiwa allupa mukutho ni Alevi, oorumeyella allupa mukutho wi yamukohe Yohane wi, “We ttaani?”

Yohane 10:24

Ayuda yaatthukumana moomwaapheella emukoha wi, “Munaanikayikiheke ophiyera niini?” Mwaari Mesiya* nilleelleni ddawoona.

Yohane 10:32

Yesu ahaakoha wi, “Koowoonihani mitteko ddaphaama ddinchichi ddoovenyera wa Attiitthaaka, mwa mitteko ddenndda ttuuvi munapaalleenyu okivokhella malluku?”