Yohane 10:29 - Mawu a Mulluku

²⁹ Ddeko nnddo Attiitthaaka ekivahilliiwa tti dduullupalli okhwaranya ddeko ddittheddene. Nave khaavo muthu anaawore waakha ddennddo ovenyera mu nnatta na Attiitthaaka.

Yohane 10:29 ပူးပေါင်းရင်းမြစ်များ

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Yohane 17:9

“Mi kinnaavekella yaayo. Nginaavekella athu a ellapo yavatthi koma ayo mwaakivahilleenyu miyaano kaambiiwa eri aanyu.

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 14:28

Mwaakiiwa killotaka wa nyuwaano wi, ‘Kinimarowa nave kineerohokollowa wa nyuwaano.’ Mwaakikondilleke, mwaawerohakallalla wi kinaya wa Attiitthaaka vawi Attiitthaakaayo tti uullupalli ohiyana ni miyaano.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Malaki 1:14

Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Daniele 4:3

Ezizindikiro ddaye tti dduullupalli, ddoottikhiniha ddaye tti ddamasiva. Omwenaaye tti wa enthawi yoohimalla, olamulellwaaye tti wa o mibado ddittheddene.

Masalimo 145:3

Apwiya tti uullupalli, oophwanella otitimihiwa wunchichi, wunnuwa wiwa tti wookatamiha owiiwesesa.

Yohane 10:28

Nave kinnaddivaha okumi woohimalla, khaddiwa ddikhwa. Khaavo muthu anaakaakhe ddennddo ovenyera mu nnatta naka.

Yohane 10:30

Miyaano ni Attiitthaaka niri amodda.”