Yohane 10:27 - Mawu a Mulluku

²⁷ Enkhosa ddaka ddinniiwa mawaaka, kinnaddidduwella nave ddinnakithwara miyaano.

Yohane 10:27 ပူးပေါင်းရင်းမြစ်များ

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Yohane 10:14

Mi tti mbusa aphaama. Kinnadduwella enkhosa ddaka nave enkhosannddo ddinnakidduwella.

Yawuupullulla 3:20

Ngoonani, kiimenlle vamullakoni nave kinnookotha. Muthu iiwa mawaaka nave ahulla nchiwi, kineerovollowa kichena vamodda.

1 Akorinto 8:3

Koma muthu aamukondaka Mulluku, Mulluku annamudduwella olliyooyo.

Aheberi 3:7

Sika vano Munepa Waweella anallota wi, “Mwiiwa mawu a Mulluku ollello,

Yohane 5:25

Ddawoona, kinimuulleellani wi, enthawi enimawa nave yoophiya khalle yawi athu ookhwa mu munepa eneerewiiwa okhuwa wa miyaano Mwaana a Mulluku nave ayo eniiwe ni wiiwellella eneerokhalla ni okumi.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Agalatiya 4:9

Nave vawi munnamudduwella Mulluku apaalle killote wi vawi Mulluku annuudduwellani kaambiiwa tini munahokollweelleenyu wa minepa ddoolamulella, ddoofooka ni ddoohikhalla ni mutteko? Kaambiiwa tini munapaalleenyu okhalla akaporo wiillittho?

Yohane 10:8

Attheene yawiille kihinawe miyaano tti allupaawiiya ni awaakha nave enkhosa kheddaawiiwellelle yaayo.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Yohane 8:43

Khamuniiwesesa ddoollota ddaka kaambiiwa tini? Kaambiiwa khamunapaalla wiiwa mawaaka.

1 Mamwene 18:21

Eliya ahaatamella vakhuviru ni athu attheenaayo aakoha wi, “Ethiyo munaakayikeke ophiyera niini? Apwiya yaarimi eri Mulluku, athwareni. Koma Baala aarimi ari Mulluku, muthwareni olliye.” Athwaayo kheyaamwaakhunlle naari vang'ono.

Luka 9:23

Nave aallota wa attheenaayo wi, “Muthu aapaallaka okithwara iikhoote yeekhaaye, atukhulle mutandaaye nllapo ni nllapo nave akithwareke miyaano.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Yohane 21:22

Yesu aamwaakhulla wi, “Kapaalla wi olliyoolla ahikhwe ophiyera kihokollowille, weyaano ddenndda orina mutteko tini? Kithware!”

Luka 13:27

Aneerollotattho wi, ‘Nginuudduwellani. Munavenyera wuuwi? Mukivenyerevo, attheenenyu athu oonanara!’

Mariko 8:34

Nave Yesu aaddiithanella mulloko wa athu ni oohudderaaye aalleella wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Mateyu 25:12

Koma ootthelloolle ahaakhulla wi, ‘Ddawoona, kinimuulleellani wi, nginuudduwellani.’

Mateyu 16:24

Vano Yesu aallota wa oohudderaaye wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Mateyu 7:23

Vano kineerewaalleella wi, ‘Nguudduwenlleni naari vang'ono. Mukivenyerevo, nyu athu aweera ddoonanara!’

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.

Mitteko 3:23

Arive muthu ahinaamwiiwellelle namallotellooyo aneerewoonongiwa variyari va athu.’

Mariko 10:21

Yesu aamuwehesesa moomukonda allota wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Yesaya 66:22

“Wonanko mmo ellapo yavatthi yanaanweene ni ellapo yooddullu yanaanweene nnddo kinaddiphatuseemi ddinaakhalle wa enthawi yoohimalla vamiitthoni vaka emoddamoddave yeeyo edduullu ddanyu ni nnddina nanyu ddineerokhallavove.