Yohane 10:2 - Mawu a Mulluku

² Koma muthu anavolloweella vamullakoni, yooyo sika mbusa a enkhosannddo.

Yohane 10:2 ပူးပေါင်းရင်းမြစ်များ

Yohane 10:14

Mi tti mbusa aphaama. Kinnadduwella enkhosa ddaka nave enkhosannddo ddinnakidduwella.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

Masalimo 23:1

Apwiya sika mbusaaka, kheyiivo kinaapaallekeemi.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Oollalleya 12:11

Mawu a athu eezeru tti wonanko ekopo ddoohoollella nave ddoollota ddiwa ddiri wonanko misomali ddookhomiwa moollipa. Ddoollota ddiwa ddittheddene anavelleella tti Mbusa mmodda.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

1 Timoteo 4:14

Ohivevulle emphaso eri mwa weyaano, eyo yavahiwe wa weyaano oweella mwa mawu oollotella va enthawi ya wiiyaatthi wa matta a attekweene va weyaano.

Yohane 10:9

Mi tti mullako. Ayo enavollweella va miyaano aneerovullusiwa. Eneerekovollowa nave eneerekokhuma nave eneerekophwanya munyepu.

Yohane 10:7

Vano Yesu aallotattho wi, “Ddawoona, kinimuulleellani wi, miyaano tti mullako wa enkhosa.

Zekariya 11:8

Va mweeri mmodda kahaavenyihavo abusa araru ayo yaakishihalle murima ni wiitana ni miyaano mwawi ngaawonre waavillella.

Zekariya 11:5

Ookulla enkhosa ennaddiipha koma khaavo anawiipa mullatu. Nave vookullihani enameeyo enallota wi, ‘Apwiya etitimiheye! Noophwanya eyuuma!’ Abusa khenamoriwa ethakaraka ni enkhosa.”

Zekariya 11:3

Iwani, abusattho eniminlla mookhuwa vawi munyepwiiwa waphaama wohoonongiwa. Iwani othuruma wa mikango vawi otthako wa o Yordani wohoonongiwa.

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

Tito 1:5

Kahuuhiya o Krete wi otthopoolle ddeko ddennddo ddihinatthopoowe ni wi waatthoolle attekweene a mpingo* mu erive etawoni wonanko mmo kuulamulalleemi wi

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Mika 5:5

Olliye sika anaakeraatthihe murendelle. Aasiriya eneerovollowa mwiillaponi mwahu ni waamba onihella ekhoto. Vano hiyaano nineerewaarumiha oolamulella atthanu ni eelli apaalle enduna tthanu ni raru.

Yesaya 63:11

Vano athu yahuupuwella dda enthawi yakhalle, mallapo a Mose oorumeyellaaye nave yaakoha wi, “Ethiyo eri wuuwi Apwiya ayo yaavullusalle athwiiwa ni oohoollella a mullokwiiwa va enyanja? Ethiyo eri wuuwi Apwiya ayo yahiyalle mwa athwiiwa munepiiwa waweella?

Mateyu 15:11

Khe ello eyo enavollowa muwano mwa muthu enamuripiha vamiitthoni va Mulluku koma eyo enukhuma muwano mwaye sika enamuripiha.”