Yohane 10:16 - Mawu a Mulluku

¹⁶ Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Yohane 10:16 ပူးပေါင်းရင်းမြစ်များ

Yesaya 56:8

Apwiya Mulluku ayo enaatthukumaniha Aisraele oopallalleya enallota wi, “Kineerewaatthukumaniha athu amodda woonjerera va ayo yatthukumanille khalle.”

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

Yohane 11:52

ohiri munipuroni na mutundu yooyove komattho wi aatthukumanihe vamodda anamwani a Mulluku ayo yaapallalleyille.

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Ezekiele 37:24

“Oorumeyellaaka Davide sika anaakhalle mweniiwa. Eneerothwara malamulwaaka nave eneerewiiwellella phaama malangizwaaka.

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Yohane 10:27

Enkhosa ddaka ddinniiwa mawaaka, kinnaddidduwella nave ddinnakithwara miyaano.

Yohane 10:11

“Mi tti mbusa aphaama, oyo anapaalla okhwa ekaamba ya enkhosa.

Yawuupullulla 3:20

Ngoonani, kiimenlle vamullakoni nave kinnookotha. Muthu iiwa mawaaka nave ahulla nchiwi, kineerovollowa kichena vamodda.

1 Petro 2:10

Khalle nyuwaano khamwaari athu a Mulluku koma vano nyuwaano tti athwaaye. Khalle nyuwaano khamwaadduwenlle echifundo ya Mulluku koma vano mohaakhella echifundo.

2 Atesalonika 2:13

Asinnihu ni arokorihu ookondiwa ni Apwiya, hiyaano ninaphwanella omuthokoza Mulluku enthawi ddittheddene ekaamba ya nyuwaano. Vawi Mulluku ahuutthoollani wi mukhalle awaamba ovullusiwa oweella mwamasiva a munepaaye ni mwa echikhulupilwaanyu mu yawoona wi mukhalle athwaaye aweella.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Masalimo 86:9

Nyu Apwiya, mitundu ddittheddene dda athu mwaddiphatusalleenyu ddineeroowa wa nyuwaano, ddineerewuukokhorellani, ddineerotitimiha ottekweenaanyu,

Mitteko 22:14

Aallota wi, ‘Mulluku a makhollwaahu ohuutthoolla weyaano wi odduwelle opaalla waye ni wi omoone a echilungamoolle ni wi wiiwe mawaaye.

Mitteko 18:10

vawi kiri ni weyaano. Khaavo anaawuvoreye vawi anchichi m'muzindanimmu tti athwaaka.”

Mitteko 15:14

Simoni ootthopoolla phaama mmo Mulluku vawaamba oonihalleeye wi ohaatthoolla athu ayo ehiri Ayuda wi ekhalle athwaaye.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Ezekiele 37:22

Kineerewaatthattusa amodda mwiillaponimmo, o miyaango dda Israele nave eneerokhalla ni mwene mmodda. Khekhalla mitundu miilli apaalle okawaneya mamwene meelli.

Yesaya 52:10

Apwiya aaphariha mutteko masiviiwa aweella vamiitthoni va mitundu dda athu ddittheddene. Ellapo ettheene yavatthi ophiya o makomello wiwa eneerewoona ovullusa wa Mullukwaahu.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 43:6

Kineerewaalleella oompoto wi, ‘Ahiyeni!’ Kineerewaalamula oomwera wi, ‘Muhaawanddeellelle!’ Anaaka aallopwana ehokollowe ovenyera o ellapo ddawoorekama, anaaka aatthiyana ewe ovenyera wookomella ellapo yavatthi,

Oollalleya 12:11

Mawu a athu eezeru tti wonanko ekopo ddoohoollella nave ddoollota ddiwa ddiri wonanko misomali ddookhomiwa moollipa. Ddoollota ddiwa ddittheddene anavelleella tti Mbusa mmodda.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Yohane 10:2

Koma muthu anavolloweella vamullakoni, yooyo sika mbusa a enkhosannddo.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

Ezekiele 34:6

Enkhosa ddaka ddaapallalleya ddineeteeta omiyaangoni ni o asimiyaango oorekama. Ddaapallalleyella mwiillaponi ddittheddene oohikhallavo mmodda ooddithwara apaalle oddaashaasha.’

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Yohane 10:3

Oowehera a vamullakoni annamuhullella mullakooyo nave enkhosa ddinniiwa mawaaye. Annaddiithana enkhosa ddayennddo manddiniiwa nave annaddihoollella vaatte.

Yohane 10:4

Addikhumiha ddittheddene, annaddihoollella nave enkhosannddo ddinnamuthwara kaambiiwa ddinnadduwella mawaaye.

Yohane 10:5

Khaddimuthwara mulleto koma ddineeromuthawa olliyooyo kaambiiwa khaddinadduwella mawu a mulletooyo.”

Yohane 17:20

“Nginaavekella yaallave komattho ayo enakikhulupilila miyaano ekaamba ya mawiiwa.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Luka 15:8

“Mutthiyana ookhalla ni makobiraaye khumi nave arimeehavo nikobiri, anaaweere tini? Aneerokhariha enyalaaye, aneeroshella mpa mutthemwenemmo, aashaasha mwawiithaallella virive veko ophiyera aniphwanyille nikobirinno.