Yohane 10:14 - Mawu a Mulluku

¹⁴ Mi tti mbusa aphaama. Kinnadduwella enkhosa ddaka nave enkhosannddo ddinnakidduwella.

Yohane 10:14 ပူးပေါင်းရင်းမြစ်များ

Yohane 10:27

Enkhosa ddaka ddinniiwa mawaaka, kinnaddidduwella nave ddinnakithwara miyaano.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Yohane 10:11

“Mi tti mbusa aphaama, oyo anapaalla okhwa ekaamba ya enkhosa.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

Yawuupullulla 2:2

kinnadduwella makhallellwaanyu, ophara mitteko moollipiha ni ovillella wanyu woohitikheya ni ddaweereya. Kinnadduwellattho wi khamuniiwanana ni athu aweera ddoonanara. Navettho mohoona makhallello a ayo eniiromolla weekhiiwa wi tti amurummwa ehiri yaayo nave mohaaphwanya wi tti athu awoottha.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

Aefeso 3:19

Ddawoona, kinavekella wi mudduwelle echikondi ya Khrisitu naari khonaworeya odduwellesesa wi muddalliwe ni okumi muttheene wa Mulluku.

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yawuupullulla 2:19

kinnadduwella makhallellwaanyu, echikondaanyu, echikhulupilwaanyu, orumeyella wanyu ni ovillella wanyu. Kinnadduwella wi munneera phaama vano ohiyana ni vawaamba valle.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Yawuupullulla 3:15

Kinnadduwella makhallellwaawo wi khemuri ooriirya naari ooviha. Waaweerokhalla phaama mwaariki ooriirya apaalle ooviha!

Yawuupullulla 3:8

kinnadduwella makhallellwaanyu, kinnadduwellattho wi mookhalla ni masiva ooyeva koma moothwara ehuddihwaaka nave khamukikhootille miyaano. Sika koohulla nchiwi vahoollo vanyu, khaavo muthu anaawore owalla.

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Yawuupullulla 3:1

“Omulembelle oohoollella a mpingo wa o Sarde wi, “Alla sika mawu oovenyera wa oyo anasunga minepa mitthanu ni miilli ddinamurumeyella Mulluku ni oyo akusalle etheneeri dditthanu ni piilli m'mattani mwaye awi, kinnadduwella makhallellwaanyu, epilli ddanyu tti ddawi mookhalla ni okumi naari mukhwille!

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.

Yohane 10:13

Mullupa muttekoolle annathawa kaambiiwa tti mullupa mutteko nave khanapwathawo dda enkhosannddo.