Yohane 10:1 - Mawu a Mulluku

¹ Yesu aallota wi, “Ddawoona, kinimuulleellani wi, muthu ahinavollowella va mullako wa nikholla na enkhosa koma anawellella vamodda vene, yooyo tti mullupaawiiya ni awaakha.

Yohane 10:1 ပူးပေါင်းရင်းမြစ်များ

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

Aheberi 5:4

Khaavo aniivaha olemu yeekhaaye vawiitthoollani wi akhalle mullupa mukutho muullupalli. Koma Mulluku sika anamutthoolla mullupa mukutho, wonanko mmo amutthoollelleeye Aroni.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

2 Petro 2:1

Anamallotella awoottha yahooneya khalle variyari va athu nave emoddamoddave yeeyo ahuddihi awoottha eneerewooneya variyari vanyu. Mwawiitta eneerowaana ehuddiho ddawoononga. Nave eneerewaakhoota Apwiya ayo yaakullalle nave vaweerani ddiiddo eneerowaana woonongeya wawaakuva vaweekhiiwa.

1 Petro 1:10

Anamallotella yahaashaasha ni okoha phaama dda ovullusa wonngu nave yaallotella dda echisomo eyo Mulluku aneereeye uuvaheni.

Yeremiya 23:32

Kinnaakhoota anamallotella ayo enalloha ddawoottha, enaalleella athwaaka ni waavirikaniha ni ddawoottha ddiwannddo. Khe miyaano kaarumalle apaalle waalamula nave kheenaakavihera athu naari vang'ono. Mi Apwiya koollota.”

Aroma 10:15

Nave othengooyo onaallalleyiwe mwawiidde athu ehirumiwe? Mawu a Mulluku eni, “Tti woohakallalliha owa wa oollalleya othenga waphaama”

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Yeremiya 23:21

Apwiya yaallota wi, “Anamallotella yaalla kaarumalle khe miyaano komave yaanathamaka nngu ni nngu enallotella wonanko kahaaruma.

Tito 1:11

Tti woopaalleya waamaalliha kaambiiwa ennaapheelliha muru mabanja mattheene voohuddihani ddoohiphwanella. Eneera ddenndda ni yoolinga yoonanara, yoopaalla ophwanya makobiri.

Yeremiya 14:15

Sika mi Apwiya kinallota dda anamallotella yaalla ayo enallotella munnddina naka naari kihaarumme, ayo enuulleellani wi khemukhwa ni ekhoto apaalle ni ettalla mwiillaponimmu wi kineerowiipha ni ekhoto apaalle ni ettalla.

Yowele 2:9

Annalluphella m'muzindanimmo, annawella vaddullu va mipanda, ennavollowa mpa, oweella m'mawindoni wonanko allupaawiiya.

Yohane 10:7

Vano Yesu aallotattho wi, “Ddawoona, kinimuulleellani wi, miyaano tti mullako wa enkhosa.