Yohane 1:45 - Mawu a Mulluku

⁴⁵ Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Yohane 1:45 ပူးပေါင်းရင်းမြစ်များ

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Mateyu 2:23

Vano aakhalla mu etawoni yooromolliwa Nazareti wi ekwakhwanihiwe yoollotiwa ni anamallotella wi, “Aneeroromolliwa Munazarene.”

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Luka 4:22

Athu attheene yaallota ddaphaama dda olliyooyo nave voottikhinani ni mawu oophara murima ayo aallotilleeye, yaallota wi, “Olla khe mwaana a Yosefe?”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Yesaya 53:2

Vallethi oorumeyellaaye ahunnuwa wonanko yoophuwa vamiitthoni va Apwiya, wonanko musisi mu ethaya yawumma. Olliye khaarina mooneyello aphaama wi hiyaano ttuumuweha, khaareere wi ttuukuseyana murima.

Yohane 18:7

Yesu ahaakohattho wi, “Munamwaasha aani?” Yahaakhulla wi, “Yesu a o Nazareti.”

Yesaya 4:2

Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla.

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Mariko 6:3

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi? Arokoraye khenakhalla vaavamva?” Sika yaamunyaambusa.

Mateyu 21:11

Athwaalle yahaakhulla wi, “Olla sika Yesu namallotella oovenyera o etawoni ya Nazareti a echigawo ya Galileya.”

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Mitteko 22:8

Kahaakhulla wi, ‘Nyuwaano ttaani, Apwiya?’ Yaallota wa miyaano wi, ‘Mi tti Yesu a o Nazareti, oyo onamuhooseewe’

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Yohane 21:2

Simoni Petro, Tomasi ooromolliwa wi Didimo, Natanaele a o Kana a Galileya, anamwani a Zebedayo ni eelli amodda a oohudderaaye yaari nimodda.

Luka 2:4

Yosefe avenyera o etawoni ya Nazareti o Galileya, aya o etawoni ya Betelehemu o Yudeya, wayarelliwe Davide kaambiiwa Yosefooyo aari edduullu ya Davide.

Mariko 14:67

Nave amoonilleeye Petro oothaka munllo, aamuweha, allota wi, “Wettho waari nimodda ni Yesu oovenyera o Nazareti.”

Mateyu 13:55

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi?

Mitteko 26:9

“Mi meekha kaganiza wi kaari oophwanella weera erive ello yoovaanyiha nnddina na Yesu a o Nazareti.

Mitteko 3:6

Koma Petro aamulleella wi, “Makobiri nginna koma kineerewuuvaha kiriimina. Mu nnddina na Yesu Khrisitu o Nazareti kinuulamulella wi, venya weete.”

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Yohane 19:19

Pilato aalemba edduwanyeyiho iiyaatthi vamutandani. Aalembille wi, “Yesu a o Nazareti, Mwene a Ayuda.”

Yohane 18:5

Yahaakhulla wi, “Yesu a o Nazareti.” Ahaakhulla wi, “Tti meene.” Yudasi, olle anaamuvelleelle wi iiphiwe, ahiimellattho vaavo ni yaayo.

Yohane 6:42

Yaallota wi, “Olliyoolla khahiyo Yesu, mwaana a Yosefe? Ninnaadduwella attiitthinnya ni amennya. Vano anallotella tini wi, ‘Kakitthalle ovenyera oddullu?’ ”

Luka 3:23

Yesu aphiyalleeye miyakha 30 ahaamba muttekwaaye woohuddiha. Athu yaaganiza wi aari mwaana a Yosefe, oyo aari edduullu ya Eli,

Mateyu 10:3

Filipo* ni Bartolomeyu, Tomasi ni Mateyu ookhomiha misonkhoolle, Yakobo mwaana a Alifeyu ni Tadeo.

Luka 2:48

Makhollwaaye yamoonilliiwa yaattikhina nave amennya yaamukoha wi, “Mwanaka, weerelle tini ddenndda? Attiittho ni miyaano naanakhupanya dda weyaano nawaasheewe.”

Yohane 1:44

Filipo aari oovenyera o etawoni ya Betisaida, owaniwa wa Andreya ni Petro.

Yohane 6:5

Yesu atukhullalle miittho ahoona mulloko wa athu muullupalli owaaka wa olliye. Sika aamukoha Filipo* wi, “Ninaamukulle wuuwi buledi ookwakhwanella waachiha athu attheenaalla?”

Yohane 6:7

Filipo ahaakhulla wi, “Naari makobiri manchichi khekwakhwanella omukulla buledi awi arive muthu amuche naari vang'ono.”

Yohane 12:21

Nave alliwa yaaya wa Filipo* o Betisaida mu Galileya, emulleella wi yapaalla emoone Yesu.

Yohane 14:8

Filipo* ahaakhulla wi, “Apwiya, nooniheni Attiitthiinywaayo nave eneeronikwakhwanella.”

Luka 18:37

Athwaalle yaamwaakhulla wi, “Yesu a o Nazareti animavira.”