Yohane 1:4 - Mawu a Mulluku

⁴ Mwa yaayo mwaakhalla okumi nave okumooyo waari owala wa athu.

Yohane 1:4 ပူးပေါင်းရင်းမြစ်များ

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yohane 12:46

Mi tti owala wawiille mu ellapo yavatthi wi arive muthu anakhulupilila mwa miyaano ahikhalle mu epiphi.

Yohane 5:26

Vawi Attiitthaaka aakhalla ni masiva owaavaha athu okumi, emoddamoddave yeeyo alliwaayo aakivaha miyaano masiva owaavaha athu okumi.

Yohane 9:5

Miyaano vookhallani mu ellapo yavatthi, kiri owala wa ellapo yavatthi.”

Yohane 11:25

Yesu aamulleella wi, “Mi tti oyo anaavenyiha athu wa ookhwa ni waavaha okumi. Ayo enakikhulupilila miyaano aneerokhalla ni okumi woohimalla naari ekhwille.

1 Yohane 5:11

Omboni yoolla tti wawi Mulluku oonivaha okumi woohimalla nave okumi yoolla onavenyera mwa Mwanaye.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Akolose 3:4

Okumaanyu tti omurumeyella Khrisitu nave ooneya, sika nanyeenettho muneerewooneya ni olliyooyo nave muneerokhalla ni ntitimiho naye.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Mitteko 26:23

wi Mesiya* aphwanella ohoosiwa nave wi akhalle awaamba ovenya wa ookhwa wi allalleye owala wa Ayuda ni athu ayo ehiri Ayuda.”

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

1 Yohane 1:2

Okumi wuupullulliwiiwa, naawoona sika ninavelleella omboni dda yooyo ni wuulleellani dda okumi woohimalla oyo waari ni Attiitthiihu nave wahuupullulliwa wa hiyaano.

Yohane 5:21

Vawi Attiitthaaka ennaavenyiha athu ookhwa enaavaha okumi, emoddamoddave yeeyo miyaano kinnavaha okumi wa ayo kinaapaalleemi.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

1 Akorinto 15:45

Vawi mawu a Mulluku enallota wi, “Muthu awaamba, Adamu, aari muthuve.” Koma Adamu oomallihella, Yesu tti Munepa woovaha okumi.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Masalimo 49:6

Athu awi ddiidda ennaroromella eyuumiiwa, ennakota kaambiiwa aakhalla ni eyuuma.

Yohane 3:19

Nave echiweruzweeyo tti ella, owala waawa mu ellapo yavatthi koma athu yaakonda epiphi ohiyana ni owala kaambiiwa yaheera ddeko ddoonanara.

1 Yohane 1:1

Ninuulembellani nyuwaano dda mawu oovaha okumi, ayo yaarivo waambeella vawaamba. Noowiiwa nave noowoona ni miitthwaahu. Ddawoona, noowoona nave mattaahu ahaattannya yaayo.