Yohane 1:38 - Mawu a Mulluku

³⁸ Yesu aarukunuwa awoona alliwa emuthwaraka nave ahaakoha wi, “Munaasha tini?” Yaamwaakhulla wi, “Munakhalla wuuwi, Rabi?” (Rabi anattaphullella, Muhuddihi.)

Yohane 1:38 ပူးပေါင်းရင်းမြစ်များ

Yohane 18:7

Yesu ahaakohattho wi, “Munamwaasha aani?” Yahaakhulla wi, “Yesu a o Nazareti.”

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Miyambo 8:34

Oodalisiwa tti oyo anakaapella maaru, anawehera va millako ddaka nllapo ni nllapo, anatiyerella voovollowella vaka.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Yohane 18:4

Yesu aadduwella ddittheddene ddawa wi ddimweereyelle, sika ahiimella aakoha wi, “Munamwaasha aani?”

Yohane 6:25

Athu yaamphwanyilliiwa Yesu vakhopella va enyanjeelle, yaamukoha wi, “Ahuddihi, mwawiille niini wuno?”

Yohane 3:26

Sika yaawa wa Yohane emulleella wi, “Ahuddihi, munnamuupuwella muthu oyo aari ni nyuwaano okhopella wa muhinje wa Yordani, olle mwamuvelleellelleenyu omboni? Vano arina obatiza nave athu erina othamakella wa olliyooyo!”

Mitteko 10:29

Sika mwakirumihenlleenyu athu, miyaano koowa moohikhoota. Vano kinimuukohani wi mukiithanenlle tini?”

Yohane 12:21

Nave alliwa yaaya wa Filipo* o Betisaida mu Galileya, emulleella wi yapaalla emoone Yesu.

Luka 19:5

Yesu aphiyalleeye vanipuronimvo, aamuweha Zakeyu allota wi, “Zakeyu, akuva kittha vawi ollello vaava kinaphwanella kakhalle ni weyaano onyumbani wawo.”

Mitteko 10:21

Sika Petro aakittha vatthi nave allota wa athwaalle wi, “Munamupaallaanyooyo tti miyaano. Mwaweella tini?”

Luka 22:61

Vano Apwiya yaarukunuwa emuweha Petro nave Petro ahuupuwella wi Apwiya yaamulleella wi, “Mutthupi ohininlle mahiiyu yaalla onaakhalle okikhootille oraru.”

Luka 15:20

Vano aatimulla ahokollweella wa attiitthinnya. “Aweeye voorekama ni owaniwanko attiitthinnyaayo yaari emonne khalle. Vano yammorella ethakaraka wunchichi emuthamakella nave yaamuvaha mooni voomukhupaarellani.

Luka 14:25

Mulloko wa athu anchichi waamuthwara Yesu, vano aarukunuwa allota wa athwaayo wi,

Luka 10:39

Aakhalla ni mwanamunne nnddina naye Mariya. Mariyooyo aakeraatthi vakhuviru ni Apwiya iiwellellaka nnddo yahuddihiiwa.

Luka 8:38

Muthu akhumihiwe minepa ddoonanaroolle aamuveka Yesu wi amuthware. Koma Yesu aamuhokollosa amulleella wi,

Miyambo 13:20

Weeta ni athu eezeru onnakhalla eezeru koma mukhwiiwa a ookarangeya annavoreyiwa.

Miyambo 3:18

Tti muteekho wa okumi wa ayo enayikhupaarella nave tti yoohakallalliha wa ayo enayipharesesa.

Rute 1:16

Koma Rute ahaakhulla wi, “Muhinakiwatihera wi kuuhiyeni apaalle wi kihuuthwareni. Nko munaayeenyu miyaanottho kinaaye wenko, nko munaakhallekeenyu miyaanottho kinaakhalleke wenko. Abalaanyu enaakhelle abalaaka nave Mullukwaanyu anaakhalle Mullukwaaka.

1 Mamwene 10:8

Oodalisiwa tti athwaanyu! Oodalisiwa tti oorumeyellaanyu ayo eniimella vamiitthoni vanyu eniiwellella ezeru ddanyu.

Maliro 5:19

Koma Apwiya, nyuwaano tti mwene wa enthawi yoohimalla, mpandwaanyu wa omwene oneerokhallawo o mibado ddittheddene.

Yohane 1:37

Oohuddera eellaalle yaamwiiwa olliyooyo allotaka yeella nave yaamuthwara Yesu.

Yohane 1:39

Olliye ahaakhulla wi, “Waawoni moone.” (Enthawi yeella yaari yaatamenlle 4 koloko misikuwa.) Yaawa yoona mvo akhalleeye nave yaakhalla ni olliyooyo nllapo nenno.

Yohane 4:31

Va enthawi yeeyo oohudderaalle yaamuveka Yesu wi, “Ahuddihi, chani!”