Yohane 1:31 - Mawu a Mulluku

³¹ Miyaano ngaamudduwenlle wi aari wonanko aani koma kaawa kibatizaka ni maaddi wi adduwelliwe ni athu a o Israele”

Yohane 1:31 ပူးပေါင်းရင်းမြစ်များ

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Luka 1:17

Aneeroowa vahoollo va Apwiya, mwa munepa ni mwamasiva a namallotella Eliya. Aneerowaattaniha makhollo ni aniiwa nave aneerewaarukunusa mirima athu oohiiwellella wi ekhalle ni ezeru wonanko dda athu oolungama. Aneeroweeriha athu wi yaakhozekelle Apwiya.”

Yohane 1:33

Miyaano ngaamudduwenlle wi aari wonanko aani koma Mulluku oyo aakirumihalle wi kibatize ni maaddi, aallota wa miyaano wi, ‘Oneerewoona Munepa Waweella akitthaka nave aneerokhalla va muthu. Yooyo sika anabatiza ni Munepa Waweella.’

Yohane 1:7

Olliye aawa wi akhalle mboni a owalanko wi attheene ekhulupilile ekaamba ya ombonaaye.

Mateyu 3:6

Yaalapa machimwiiwa nave ahaabatiza athwaayo mu Yordani.

Mitteko 19:4

Paulo aallota wi, “Obatizo wa Yohane waari wa orukunuwa murima. Nave ahaalleella athu a o Israele wi ekhulupilile mwa mmodda oyo anawa vatulli vaye, mwa Yesu.”

Mateyu 3:13

Va enthawi yeeyo Yesu aaphiya o Yordani ovenyera o Galileya wi abatiziwe ni Yohane.

Yohane 1:30

Olla sika kamwaakeemi kalloteemi wi, ‘Animawa vatulli vaka nave tti ookikhwaranya kaambiiwa miyaano kihinayariwe aari arivo khalle.’

Yohane 1:32

Nave Yohane aavelleella omboni allota wi, “Kahoona Munepa Waweella akitthaka wonanko ekhunda avenyeraka oddullu nave akhalla va olliyooyo.