Yohane 1:1 - Mawu a Mulluku

¹ Vawaambawaamba oyo aneeriwa Mawu aari arivo khalle. Mawu yaayo yaari wa Mulluku nave Mawu yaalla tti Mulluku.

Yohane 1:1 ပူးပေါင်းရင်းမြစ်များ

Genesis 1:1

Vawaambawaamba Mulluku aaphatusa oddullu ni ellapo yavatthi.

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Yawuupullulla 19:13

Mukanjo awarilleeyooyo waari wooruweyiwa munikhameni. Sika nnddina naye naari, “Mawu a Mulluku.”

Akolose 1:17

Khrisitu aakhallawo ddeko ddittheddene ddihinakhallewo nave ddeko ddittheddene ddoomakellelliwa vamodda mu eyaattano ni olliyooyo.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yawuupullulla 22:13

Mi tti awaambeella ni oomallihella, waamba ni omalliha.”

Yohane 1:2

Ovenyera vawaambawaamba Mawu yaayo yaari wa Mulluku.

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Afilipi 2:6

Aari wonanko Mulluku, koma khaawanddeellelle wi akhalle moophwanaphwana ni Mulluku.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Aheberi 13:8

Yesu Khrisitu tti yooyo oddillo, ollello ni mallapo mattheene.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Yohane 16:28

Kaavenyera wa Attiitthaaka oya mu ellapo yavatthi nave vano kinimavenyamo mu ellapo yavatthi ohokollweella wa Attiitthaaka.”

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Yohane 20:28

Tomasi ahaakhulla wi, “Apwiyaaka ni Mullukwaaka!”

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Aheberi 7:3

Ollota dda attiitthinnya apaalle amennya apaalle ntthopoollo na makhollo a Melkizedekooyo kheyiivo mvo elembiweewavo naarittho dda oyariwa waye ni okhwa waye. Ari wonanko Mwaana a Mulluku, mullupa mukutho oovirellella wa enthawi yoohimalla.

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Aefeso 3:9

nave owoonihella athu attheene mmo yoolinga yoovittheya ya Mulluku eneeriiwa yeereyelle. Mulluku oyo tti oophatusa ddeko ddittheddene aakhuwa yoovittheyaaye enthawi ettheene yakhalle,

Yawuupullulla 1:2

nave Yohane ootthopoolla ddittheddene oonilleeye. Olla sika ombonaaye woollota dda mawu a Mulluku navettho omboni wa dda Yesu Khrisitu.

1 Yohane 5:7

Sika vookhalla amboni araru, alla tti,

Aroma 9:5

Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu. Mulluku oyo analamulella ddeko ddittheddene atitimihiwe enthawi yoohimalla! Amen.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Masalimo 45:6

Nyu Mulluku, mpandwaanyu woomwene tti wa enthawi yoohimalla, munneeruza moolungama mu omwenaanyu.

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Luka 24:53

Nave mallapo mattheene yaanatthukumana mu enyumba ya Mulluku, emutitimihaka Mulluku.

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.