Yobu 9:8 - Mawu a Mulluku

⁸ Mulluku yeekha ahaanddellella ddooddullu, olliye sika aneeta va mafunde a va enyanja.

Yobu 9:8 ပူးပေါင်းရင်းမြစ်များ

Yesaya 44:24

Apwiya Oovullusaawo, ayo yuupangille m'mirimani mwa amaayo, enallota wi, “Mi tti Apwiya ayo yapangille ddeko ddittheddene, kaanddellelleemi ddooddullu, kaari meekha. Kaphatuseemi ellapo yavatthi ethiyo ookhallavo oyo akikaviherille?

Yesaya 40:22

Ellapo yavatthi yaphatusiwe ni olliye, oyo anakhalla va mpandwaaye woomwene oddullu, anawoona athu a vatthimva wonanko middope, anaanddellella mirapo wonanko ekuwo, wonanko musasa wookhallamo.

Zekariya 12:1

Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,

Yobu 37:18

Ethiyo ttuuwora wonanko olliye ottaphurusa oddullu woollipa wonanko mukoko woopukutiwa phaama?

Yeremiya 10:11

Athwaayo mwaalleelle wi milluku nnddo ddahiphatusalle ellapo yooddullu ni yavatthi ddineerotthollowa va ellapo yavatthi ni vatthi va eddullu.

Masalimo 33:6

Oddullu waaphatusiwa ni mawu a Apwiya, nndduwa, mweeri ni etheneeri ddaaphatusiwa ni mpweyiiwa.

Yohane 6:19

Oohudderaalle yeetihalle ekallawa olendo wookwakhwana makilomita matthanu apaalle matthanu ni nimodda yaamoona Yesu eetaka vamaaddini aatamellaka ekallaweelle, sika yahoova.

Yesaya 42:5

Mulluku Apwiya aaphatusa ni waanddellella ddooddullu, aaphatusa ellapo yavatthi ni ddittheddene ddiri mwemmo, aavaha okumi ni mpweya wa athu ookhalla mwiillaponimmo. Olliye anallota wi,

Yobu 38:16

Ethiyo waavollowamo mu aneetuutu a enyanja apaalle waheeta vatthivatthi viwa voowallamella?

Yobu 38:11

Sika kaallota wi, “Ophiye mvo ohikhwaranyevo, enaakomelle vaava mafundaawo awiitukhullaayo.”

Masalimo 77:19

Ettillaanyu yaweelle va enyanja, musewaanyu waaweelle vamaaddini oowallamella, nave manyallwaanyu kheyaawooneyille.

Genesis 1:1

Vawaambawaamba Mulluku aaphatusa oddullu ni ellapo yavatthi.

Yobu 26:7

Voohikhalla ello annaanddellella eddullu ya ompoto, aannayitthomeya ellapo yavatthi.

Yobu 26:13

Ni ovuma waye oddullu waheellihiwa, nnatta naye naahoma enowa yoothawa.

Yesaya 51:13

Ethiyo nyu ttaani wi mwaatiwalleke Apwiya, Oophatusaanyu ayo yaanddellellille ddooddullu, yakeraatthihalle matthipello a ellapo yavatthi? Ethiyo nyuwaano ttaani wi enthawi ddittheddene mooveke owalli wa athu awuuhoosani, ayo yoopaalliiwa tti owoonongani? Ethiyo vano owalli wa athu awuuhoosanaayo ori wuuwi?

Yeremiya 10:12

Apwiya sika yaphatusalle ellapo yavatthi ni masiviiwa, yapangille ddittheddene ni ezeru ddiwa, yahaanddellella eddullu ni eruswiiwa.

Yeremiya 51:15

Apwiya sika yaphatusalle ellapo yavatthi ni masiviiwa, yaapanga ddittheddene ni ezeru ddiwa, mweeruso yahaanddellella eddullu.

1 Epilli 16:26

Milluku dda athu tti mafano, koma Apwiya yaaphatusa ddamuddullu.