Yobu 9:7 - Mawu a Mulluku

⁷ Olliye ttuulamula nndduwa wi nihikhume, ttuuhiiha etheneeri wi ddihiwale mahiiyu.

Yobu 9:7 ပူးပေါင်းရင်းမြစ်များ

Yesaya 13:10

Vawi etheneeri ddittheddene ddooddullu khaddiwala. Nndduwa nineeroripa vookhumani nave mweeri khowala.

Amosi 8:9

Apwiya Mulluku enallota wi, “Va nllapo nenno kineeroripiha nndduwa otthaana, kineeromoriha epiphi va ellapo yavatthi nndduwa niikimoopa.

Mateyu 24:29

“Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

Amosi 4:13

Ngamooneni oyo aphatusalle miyaango ni opanga ephevo, anamuwululella muthu dda m'muruni mwaye, anatthattusa otthaana okhalla mahiiyu, aneeta va mapuro aweellesesa a va ellapo yavatthi, nnddina naye tti Apwiya Mulluku Amasiva Mattheene.

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

Yobu 37:7

Mulluku anniimesa mutteko wa arive muthu wi athu attheene edduwelle mitteko ddaye.

Yoswa 10:12

Vano Yoswa aallota ni Apwiya va nllapo nno yaavelleelliiwa Aamori m'mattani mwiwa. Vano aallota vamiitthoni va Aisraele wi, “We nndduwa, imella vaddullu va Gibiyoni, we mweeri, imella vaddullu va ntapo na Ayaloni.”

Yoswa 10:13

Sika nndduwa nahiimella va nipuro nimodda nave mweeri khawaaweetillettho ophiyera Aisraele yahaahokolloselle yoonanara adaniiwa. Ddenndda ddoolembiwa mu nibukhu na Yashara wi, “Nndduwa nahiimella nipuro nimodda muddullu, oohaakuva ovollowa wa nllapo namututha.