Yobu 9:5 - Mawu a Mulluku

⁵ Moorurumusa, olliye annasusa miyaango, mu owallaaye annaddiphikirisa.

Yobu 9:5 ပူးပေါင်းရင်းမြစ်များ

Luka 21:11

Navettho oneerokhalla ezivomerezi ddawoopiha owaaka ettalla ni millilli m'mapuroni moohiyanahiyana. Oneerokhallattho ddeko ddawoopiha ni ezizindikiro dduullupalli oddullu.

Mateyu 27:51

Nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari ovenyera vaddullu ophiyera vatthi. Nave ellapo yaatikheya nave malluku yaatthalleya.

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Yawuupullulla 6:14

Oddullu waavenyihiwavo wonanko mwinlli woovillikiwa nave orive mwaango ni echilumba ddaavenyihiwa m'mapuroni mwiwa.

Mateyu 21:21

Yesu ahaakhulla wi, “Ddawoona, kinimuulleellani wi mwakhalla ni echikhulupililo ni oohikayika, khamweera yeellave kenreemi va muteekho wanamukuyoolla koma naari ollota wa mwaangoolla wi, ‘Venya wiivokhelle weekha mu enyanja,’ eneereweereya.

1 Akorinto 13:2

Naari kirina emphaso ya onamallotella naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyaango koma kaahikhalla ni echikondi, nginna mutteko.

Zekariya 4:7

Ethiyo we mwaango woorekama, wettho ttaani? Oneerotthattuwa nipuro noomwaramwareya vamiitthoni va Zerubabele. Nave yawaana nlluku noomalliha na va enyumbaaka, voonihiyani vaddullu, athu eneerokhuwa wi, ‘Oreera, oreera!’ ”

Habakuku 3:6

Iimella, ellapo yavatthi ennatikheya, aweha mitundu dda athu ddaatthukumella, Miyaango ddookeraattheya ddaakumuwa, asimiyaango akhalle ennawarama nko eeteeyewo khalle.

Yesaya 40:12

Ethiyo ttaani eesille waata wa maaddi a mu enyanja ni nnatta naye apaalle orekama wa muddullu ni muwonwaaye? Ethiyo ttaani eesille ethaya ettheene ya ellapo yavatthi ni mutaanga apaalle ollemella wa miyaango ni asimiyaango vasikeloni?

Masalimo 114:6

Nyu miyaango, enuukatamihani tti tini wi onthamuweke wonanko enkhosa?

Masalimo 68:8

ellapo yaatikheya, muddullu mwaamurupiha murimu ekaamba ya owa wa nyu Mulluku. Mwaango wa Sinai waatikheya, ekaamba ya owa wa nyu Mulluku, Mulluku a Aisraele.

Masalimo 46:2

Ekaamba ya yeella khannoova naari ellapo yavatthi etikheye, naari miyaango ddimorenlle variyari va enyanja,

Yobu 28:9

“Muthu annaapwesa malluku oollipa, annapwanyulla miyaango ovenyera vamisisini.

Yobu 26:6

Vamiitthoni va Mulluku, ellapo ya ookhwa kheniipittheya, nipuro na woonongeya khannakhuneelleya.

Yobu 34:25

Olliye annadduwella phaama mitteko ddiwa, annawuupurusa mahiiyu ophiyera ennaanyenya.

Yobu 41:11

Ethiyo ttaani anaamullike ahimuhokollosella? Erive ello eri ellapo yavatthi tti yaaye.

Yobu 40:11

Mwara owallaawo woosefukella, Wamoona muthu awiitukhulla omuyevihe.

Nahumu 1:5

Miyaango ddinnatikheya vamiitthoni vaye, asimiyaango eneerottotthowa. Ellapo yavatthi ennatthukumella vamiitthoni viwa, ellapo ni ddittheddene ddookhalla mwemmo.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.