Yobu 8:9 - Mawu a Mulluku

⁹ Hiyaano tti anamwani ooddillo, khaninadduwella ello, Mallapwaahu a va ellapo yavatthi tti wonanko muuthuuchi.

Yobu 8:9 ပူးပေါင်းရင်းမြစ်များ

1 Epilli 29:15

Vawi hi tti alleto vamiitthoni vanyu, niri wonanko alleto mwiillaponi yaaneena monga makhollwaahu. Mallapwaahu ookhalla va ellapo yavatthi eri wonanko muuthuuchi nave khe voollekelliwa.

Masalimo 144:4

Muthu ari wonanko mpweya, mallapwaaye tti wonanko muuthuuchi woohillekella.

Yobu 14:2

Anaphuwa wonanko malluwa, annanyaalla, khanallekella, anathawa wonanko muuthuuchi.

Masalimo 102:11

Mallapwaaka tti wonanko muuthuuchi wa misikuwa, koonyaalla wonanko manasi.

Yobu 7:6

Mallapwaaka enathamaka okhwaranya matchini a ddoowara, voohikhalla etiyerello, ennamalla.

Genesis 47:9

Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.”

Masalimo 90:4

Vawi miyakha 1,000 vamiitthoni vanyu ddiri wonanko oddillo ovirallenngu. Apaalle wonanko owehera wa mahiiyu.

Masalimo 39:5

Ngoonani, mookivaha mallapo ooyeva, enthawi ya okumaaka khe ello vamiitthoni vanyu. Ddawoona, arive muthu tti mpweyave.

2 Epilli 10:6

Vano Rehobowamu ahaakoha attekweene ayo yaari alangizi a Solomoni attiitthinnya ehinakhwe wi, “Ethiyo munakilangiza ddawiidde wi kiwaakhulle athwaalla?”

Yobu 8:10

Ethiyo athu akhalle kheyuuhuddiha ni wuulleella, khellota ddavatthi va murimiiwa?

Yobu 32:7

Kahuuhiyani wi attekweene mwaambe ollota, a miyakha ddinchichi muhuddihe ezeru.

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

Masalimo 82:5

Khenadduwella ello navettho kheniiwesesa, enneeta mwiipiphini, Matthipello a ellapo yavatthi aatikheya.

Masalimo 102:12

Koma nyu Apwiya, munnalamulella wa enthawi yoohimalla, athu a mibado ddittheddene eneerowuupuwellani.