Yobu 7:20 - Mawu a Mulluku

²⁰ Ethiyo kachimwa kinnuukatamihani nyu mulonda a athu? Kaambiiwa tini mukitthattusalleenyu yaweerellavo echaandamale? Kaambiiwa tini kiriimi wonanko katundu oollemella wa nyuwaano?

Yobu 7:20 ပူးပေါင်းရင်းမြစ်များ

Maliro 3:12

Aakoka muuraaye, aakeesa ello yaaweerellavo echaandamale.

Masalimo 36:6

Echilungamwaanyu tti wonanko miyaango ddoorekama, echiweruzwaanyu tti wonanko enyanja yoowallamella, nyu Apwiya, munnaapwatha athu ni enama ddene.

Yobu 3:24

Vawi miitthori sika yoochaaka, wiipullella waka khonamalla.

Masalimo 80:4

Nyu Apwiya Mulluku Amasiva Mattheene, munaananariwelle mavekello a athwaanyu ophiyera niini?

Masalimo 21:12

vawi aneeroweeriha wi ethawe, vawaavokhani mipaamba.

Yobu 35:6

Ethiyo mwaachimwaka munamvudda Mulluku? Mwawoonjereraka machimwaanyu ddinamuvoreya mwawiidde?

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

Yobu 33:9

We enallota wi, ‘Mi tti aweella, nginna yoolakwa, miyaano tti oolungama, nginna nichimo.

Yobu 31:33

Ngiipitthihalle ddoonanara ddaka monga eneerella athu, ngivitthalle machimwaaka m'murimani mwaka.

Yobu 22:5

Ethiyo machimwaawo kheyaatille, olakwa wawo khonna malire?

Yobu 14:16

Vawi meetellwaaka mattheene muneerewaapwatha, koma khamweerengella machimwaaka.

Yobu 13:26

Nyuwaano munnakiipa millatu ddoowaawa, munnavuhulla ddoolakwa dda esombwaaka.

Yobu 6:4

Vawi mipaamba dda Mulluku Amasiva Mattheene ddookihoma, okumaaka wooddalla ni nttipwi niwa. Ddawoopiha dda Mulluku ddookuupa.

Nehemiya 9:6

Nave Aisraele yaavekella wi, “Nyeeneve sika muri Apwiya. Mwaaphatusa oddullu ni etheneeri ddooddullu. Mwaaphatusa ellapo yavatthi ni enyanja ni ddittheddene ddiri mwemmo mwaaddivaha okumi. Ddittheddene ddooddullu ddinnuukokhorellani ddinuullapellani.

Yobu 10:14

Munnakiwehesesa kaachimwaka, khamunapaalla okikhululukella machimwaaka.

Yobu 35:3

Komave onakoha wi, ‘Mulluku, ethiyo onaaphurevo tini? Ethiyo kaarimi kihichimwalle kinaatotevo tini?’

Yobu 10:2

Nyu Mulluku, muhikeeruze oolakwami, mukilleelle eyo munallipanelleenyu ni mi.

Yobu 10:6

Kaambiiwa tini munakaashereenyu ddoolakwa apaalle munakiipella tini mullatu?