Yobu 7:16 - Mawu a Mulluku

¹⁶ Okumaaka wookitopiha, ngikhalla wa enthawi yoohimalla, kihiyeni meekha, okumaaka tti mpweyave.

Yobu 7:16 ပူးပေါင်းရင်းမြစ်များ

Yobu 10:1

Ddawoona, kinnavevulla okumaaka, sika kineerollota moottaphuwa ddookhupanya ddaka, kineerollota moovoreyiwa murima.

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

Yona 4:8

Vookhumani nndduwa, Apwiya yaamurumihella Yona ephevo yooviha wunchichi. Nndduwa naamoosa vamuru vaye mookusa murima. Sika ahaambattho oveka okhwa wi, “Tti waphaama wi kikhwe okhwaranya okhalla ni okumi.”

Masalimo 39:13

Muhikiweheke moowalli, sika kineerowora ohakallalla, kihinakhwe nave kihinathiime.”

Yobu 14:6

Muhiyeni oopiwe ephevo wi wonanko aganyu, oone oddiva nllapo nimodda.

Yobu 10:20

Ethiyo mallapo a okumaaka khehanlle vang'ono? Kihiyeni wi kiithuuwe vang'ono.

Yobu 9:21

Naari kihinna mullatu, kinniinyaambusa meekha, kinnawuvevulla okumaaka.

Yobu 6:9

Waphaama Mulluku akinyennyeke, akoonongilleke ni nnatta naye.

Yona 4:3

Sika vano Nyuwaano Apwiya, koophara mwetwaanyu, kimalliheni. Tti waphaama wi kikhwe okhwaranya okhalla ni okumi.”

Masalimo 144:4

Muthu ari wonanko mpweya, mallapwaaye tti wonanko muuthuuchi woohillekella.

Masalimo 78:33

Sika aaphaddera mallapwiiwa wi erimeelle wonanko mpweya, aakhuveyiha miyakha ddiwa wi ddimallelle mu ddawoopiha.

Masalimo 62:9

Athu shisha tti mpweyave athu ootukhuwa tti awoottha, attheenaayo tti oohillemella vasikeloni ni oveveluwa okhwaranya mpweya.

Masalimo 39:10

Kivenyihelleni muwashullo, kookokhowa ekaamba ya okiwashulla wanyu.

Genesis 27:46

Rebeka aamulleella Isaki wi, “Atthiyana Aahitaalla, yookitopiha miyaano! Yakobottho amutthella mmodda mwa Ahiti awunwaalla, ethiyo miyaano okumaaka ttuuddivattho?”

Yobu 7:7

Mulluku upuwellani, okumaaka tti wonanko mpweya, ngiwa koona erive ello yaphaama.

Yobu 7:15

Sika tti waphaama wiimakellella ni okhwa, okhwaranya okhallella ovoriiwa ddiidda.

Masalimo 78:39

Aanuupuwella wi alliwa tti athu shisha, tti wonanko ephevo yoovira, yoohihokollowattho.

Yeremiya 8:3

Athu attheene oohalla mwa athu a mutundu woonanaroolla, orive weko kiwiikarilleemiwo eneerotthoolla okhwa okhwaranya wi eneerovirellella okhalla ni okumi. Mi Apwiya Amasiva Mattheene koollota.”

Masalimo 39:6

Ddawoona, muthu ari wonanko muuthuuchi, annakatamihiwa ni ddoohikhalla ni mutteko, annasunga eyuuma moohidduwella oyo anaayiche.

Oollalleya 2:17

Sika kaawiita okumaaka vawi ddittheddene ddineereya vatthimva ddinnakimoriha ethakaraka. Ddittheddenennddo khaddinna mutteko nave oddaashaasha ddenndda tti wiikatamiha.