Yobu 7:1 - Mawu a Mulluku

¹ “Ethiyo muthu khanakhallella osenda miino veellaponimva, mallapwaaye kheri wonanko a aganyu?

Yobu 7:1 ပူးပေါင်းရင်းမြစ်များ

Masalimo 39:4

‘Nyu Apwiya, mukilleelle omalla wa okumaaka, mukilleelle oyeva wa mallapwaaka, mukilangize mmo okumaaka onaakuvelliiwa omalla.’

Yobu 5:7

Koma ddawoona, muthu anayarelliwa ohoowa, wonanko munllo wonthamuwa.

Yesaya 40:2

“Mullote mwawiithalla ni athu a o Yerusalemu, mwaalleelle wi enthawi ya ddoohoosa ddiwa yoomalla, machimwiiwa aakhululukiwa. Kohaallaka wunchichi ekaamba ya machimwiiwa.”

Yesaya 21:16

Vano Apwiya yaakilleella wi, “Vihanlle muyakha mmodda moollikana ni mmo aneerengella aganyu nave oriiheya ottheene wa athu a o Kedara oneeromallella.

Oollalleya 8:8

Monga mmo muthu ahinakhallelleeye ni masiva oolamulella mpweya wa okumi tti mmo ahinakhallelleeye ni masiva oodduwella nllapo na okhwa waye. Ekhoto khenathaweya. Athu aweera ddoonanara onanara wiwanko khuwaavullusa.

Deuteronomo 15:18

Oohinanariwa voomuttaphullani kaporo vawi olliye ahuurumeyellani va miyakha mitthanu ni mmodda, hafu a mutengo wa mullupa mutteko. Sika Apwiya Mullukwaanyu eneerewuudalisani va mitteko ddanyu ddittheddene.”

Levitiko 25:50

Yeerengelane ni muthu amukullallooyo waambeella muyakha oyo iikullihalleeye wa ophiyera muyakha woohakallallella miyakha 50. Mutengo wawoopolliwa wayenko wiiwanane ni waata wa miyakhannddo nave ollivelliwa wa mullupa mutteko wa enthawi eyo akhalle ni olliye.

Yesaya 38:5

“Hokollowa, wamulleelle Hezekiya wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Sika kineerowaanjerera miyakha khumi ni mitthanu mu okumaawo.

Yobu 7:2

Wonanko kaporo ooseremella muuthuuchi, wonanko aganyu ootiyerella mallivellwaaye,

Yobu 10:17

Munnawoonjerera amboni ookihumullulla, owallaanyu onnavirellella waata, akhotwaanyu oollipana ni miyaano ennaruuwa.

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

Yesaya 16:14

Koma vano enallota wi, “Miyakha miraru ddihinamalle moollikana ni mmo aneerengella aganyu, eyuuma ya Mowabu enaakhalle emanlle. Mulloko muullupalli wa athwaaye oneerewoonongeya nave oovulluwa enaakhalle ooyeva ni oofooka.”