Yobu 6:9 - Mawu a Mulluku

⁹ Waphaama Mulluku akinyennyeke, akoonongilleke ni nnatta naye.

Yobu 6:9 ပူးပေါင်းရင်းမြစ်များ

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

Yona 4:3

Sika vano Nyuwaano Apwiya, koophara mwetwaanyu, kimalliheni. Tti waphaama wi kikhwe okhwaranya okhalla ni okumi.”

Yona 4:8

Vookhumani nndduwa, Apwiya yaamurumihella Yona ephevo yooviha wunchichi. Nndduwa naamoosa vamuru vaye mookusa murima. Sika ahaambattho oveka okhwa wi, “Tti waphaama wi kikhwe okhwaranya okhalla ni okumi.”

Yawuupullulla 9:6

Wa miyeri mitthanunndda athu eneerekewaashaasha okhwa koma khephwanya. Eneeropaallesesa okhwa koma okhwanko oneerewaathawella.

Masalimo 32:4

Vawi otthaana ni misikuwa nnatta nanyu naakiwatakanya, masivaaka yaamalla wonanko makattha mu ellimwe.

Yobu 19:21

Akhwaakanyu, keerelleni echifundo pepaani keerelleni echifundo, vawi nnatta na Mulluku nookillaka.

Yobu 14:13

Waphaama mwakiipitthiheke mu ellapo ya ookhwa mwakivinttheke vakhwipi ophiyera owallaanyu oviralle. Waphaama mwakihiyenreke enthawi wi vatulli viwa mukuupuwellettho.

Yobu 6:8

Waphaama kaakhenlleke yoovekaaka, waphaama Mulluku akivahilleke etiyerellwaaka.

Yobu 9:21

Naari kihinna mullatu, kinniinyaambusa meekha, kinnawuvevulla okumaaka.

Yobu 10:1

Ddawoona, kinnavevulla okumaaka, sika kineerollota moottaphuwa ddookhupanya ddaka, kineerollota moovoreyiwa murima.

Yobu 11:20

Koma oonanara oneeromwaramwara miittho mohalleella, kheyoona woothawella, etiyerellwiiwa tti okhwa.”

Yesaya 38:12

Okumaaka wohaakhiwa ni ovenyihiwavo, wonanko musasa wookumulliwa, wonanko ekuwo yoovillikiwa, wonanko ekuwo yoophaddiwa ni matchini, ovenyera mahiiyu ophiyera otthaana mwaanakikokholla.