Yobu 6:4 - Mawu a Mulluku

⁴ Vawi mipaamba dda Mulluku Amasiva Mattheene ddookihoma, okumaaka wooddalla ni nttipwi niwa. Ddawoopiha dda Mulluku ddookuupa.

Yobu 6:4 ပူးပေါင်းရင်းမြစ်များ

Masalimo 38:2

Mipaamba ddanyu ddookihoma, nnatta nanyu nookiwatakanya.

Yobu 30:15

Ddawoopiha ddoomorihelliwa va miyaano, olemwaaka woovavihiwa wonanko ephevo, eyuumaaka yoothiima wonanko murapo.

Miyambo 18:14

Murima wa muthu onnamullipiha aavoriiwaka koma ttaani anaawuvillelle waavoreyaka?

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Mariko 15:34

Va enthawi ya 3 koloko Yesu aakhuwa moollipiha wi, “Eloi, Eloi, lama sabakitani?” (Ottaphullella wi, Mullukwaaka, Mullukwaaka, mukihiyere tini miyaano?)

Yobu 9:17

Vawi annakuukutha ni ephevo yawoopiha, annakoonjerera makhwata vihiri ekaamba.

2 Akorinto 5:11

Ninnadduwella wi tti woophwanella owoova Apwiya nave ninneeseesa waakopa athu amodda wi yaathwarelle Apwiyaayo. Mulluku annanidduwella phaama hiyaano nave kinnaganiza wi munnanidduwellattho hiyaano m'murimani mwanyu.

Masalimo 45:5

Mipaamba ddanyu ddawiisha ddinnahoma mirima dda adanaanyu, mitundu ddimodda dda athu ddinnagonja vamiitthoni vanyu.

Masalimo 21:12

vawi aneeroweeriha wi ethawe, vawaavokhani mipaamba.

Masalimo 18:14

Aavokha mipaamba ddaye, waapallallesa adanaaye, ahaamolleella ni ettari awiikariha.

Masalimo 7:13

Aneeroddikhoza ezida ddaye ddawoopiha, aneerokusa mipaamba ddamunllo omuurani waye.

Yobu 31:23

Vawi kinnoova otulli woovenyera wa Mulluku, nginawora weera ello ekaamba ya ottekweenaaye.

Yobu 21:20

Yoone weekhiiwa ollakiwa wiwa, ellawihe owalli wa Amasiva Mattheene.

Deuteronomo 32:42

Kineerolezeliha mipaamba ni nikhame na adani, nsupada naka nineerohoma muhehiiwa. Oohomiwa ni akaporo nikhame niwa nineereweetellella, miru ddiwa dda meehi oorekama ddineerophaddiwa.”

Rute 1:20

Olliyooyo ahaalleella wi, “Muhinakiromollaka wi Naomi koma mukiromolleke wi Mara vawi Apwiya Mulluku Muullupalli aheeriha okumaaka wi okhalle wa ethakaraka ddinchichi wuukhwaranyani nyuwaano.

Yobu 20:16

Annaamwa nttipwi na namarawe, ovoreya wa enoweeyo oneeromwiipha.

Yobu 34:6

Naari keeraka ddawoona, kineesiwa awoottha, nikhwata naka tti noohivolla naari kihichimwalle ello.’

Yesaya 28:19

Erive enthawi vawooneyani oneerowiiphani. Nave woononganko onaaphiyeke orive ohinase, otthaana ni mahiiyu. Sika athu yiiwesesa othengoolla eneerewoova wunchichi.

Maliro 2:4

Aakunga muuriiwa wonanko mudanaahu, aakunga ekhonyiiwa wonanko mudani. Aawiipha attheene ayo naawehaahu mookotella variyari va anamwani aatthiyana, Ziyoni. Owalliiwa wakhara wonanko munllo.

Yobu 7:20

Ethiyo kachimwa kinnuukatamihani nyu mulonda a athu? Kaambiiwa tini mukitthattusalleenyu yaweerellavo echaandamale? Kaambiiwa tini kiriimi wonanko katundu oollemella wa nyuwaano?

Yobu 16:9

Mulluku ookitthalla moonanariwa, ookiita, ookillumella miino, mudanaaka ookikhumihella miittho.

Yobu 19:12

Akhotwaaye aakaapheella nave aakuupa, aakitthipellella misasa waapheella enyumbaaka.

Masalimo 38:3

Mwiillaaka khonna masiva ekaamba ya owallaanyu, makhuvaaka aavoriiwa ekaamba ya machimwaaka.

Miyambo 14:10

Murima onadduwella ovoreya wa weekhiiwa nave khaavo anadduwella mmo ohakallallelliiwa.

Maliro 3:3

Ddawoona, aakuukutha ni nnatta niwa, aheera ddenndda moohihiyerera nllapo nittheene.