Yobu 5:7 - Mawu a Mulluku

⁷ Koma ddawoona, muthu anayarelliwa ohoowa, wonanko munllo wonthamuwa.

Yobu 5:7 ပူးပေါင်းရင်းမြစ်များ

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

Oollalleya 2:22

Ethiyo muthu ttuuphuravo tini va mitteko ddittheddene ni ddookhupanyiha nnddo anaddeereeye vatthimva?

Oollalleya 1:8

Ddittheddenenndda tti ddootopiha, ollemella wiwa tti woohilloteya. Miittho khenakholliwa ni oweha, maaru khenakholliwa ni wiiwa.

Yobu 7:1

“Ethiyo muthu khanakhallella osenda miino veellaponimva, mallapwaaye kheri wonanko a aganyu?

Oollalleya 2:23

Mallapwaaye mattheene annamoriwa ethakaraka, mitteko ddaye ddinnakhalla ddookatamiha. Naari mahiiyu murimaaye khoniithuuwa. Ddennddottho khaddinna mutteko.

Yeremiya 20:18

Ethiyo kayarelliwe tini? Ethiyo kayarelliwe ohoowa ni ethakaraka wi okumaaka omallelle mu owulliwa muru?

Masalimo 90:10

Miyakha dda okumaahu tti 70, nakhalla amasiva ttuukwakhwana 80. Koma miyakhannddo tti dda okhupanya ni okatamihiwa, ddinnamalla mwawaakuva, hiyaano ninarowa.