Yobu 5:10 - Mawu a Mulluku

¹⁰ Annamurupiha murimu veellaponi, annarumiha maaddi m'matani.

Yobu 5:10 ပူးပေါင်းရင်းမြစ်များ

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yeremiya 5:24

Khamunaganizereke ddookoova miyaano Mullukwaanyu oyo anuuvahani murimu a ntthokollapallaka ni murimu awaallella va enthawi yaphaama ni enthawi yoohata orive muyakha.

Masalimo 147:8

ayo enahuruwella eddullu ni mirapo, enarupihella ethaya murimu, enamelliha manasi vamwaangoni,

Amosi 4:7

Tti miyaanottho kammakille murimu vihanlle miyeri miraru wi muhate. Tti miyaano kamurupiha murimu m'muzinda mmodda ni oohimurupiha m'muzinda mmodda. Murimu aanarupa va emata emodda koma va emodda ahirupeeyevo yahumma.

Yeremiya 10:13

Alliwa yallota onniiweya onyakulla wa maaddi ooddullu, ennawiiha mirapo ovenyera okomenlle ellapo yavatthi. Ennasherimiha ettari dda murimu, ennoopiha ephevo ovenyera nko enayisungiiwa.

Yobu 36:28

Mirapo sika ddinammimina murimu, annaarupella athu mookwakhwana.

Yobu 28:26

akeraatthihalleeye lamulo na murimu, apotokosa ettilla dda ettari ni ogugudeya,

Yobu 36:27

Mulluku annaawelliha maaddi muddullu, aatthattusa murimu.

Yobu 37:6

Vawi annamulamula nakhuttu wi, ‘Morella va ellapo yavatthi’, ni murimu wi, ‘Rupa mwamasiva.’

Masalimo 68:9

Nyu Mulluku, mwaamurupiha murimu, mwaallipiha ellapwaanyu mvo yafookilliiwa.