Yobu 40:4 - Mawu a Mulluku

⁴ “Ddawoona, miyaano kheello! Ethiyo ttuuwaakhullani tini? Khayiivo, muwano mookumma.

Yobu 40:4 ပူးပေါင်းရင်းမြစ်များ

Miyambo 30:32

Wakarangeya vawiitukhullani apaalle vooganizellani ddoonanara, ophare vayanoni.

Yobu 29:9

Mamwene yaanahiya ollota, yaanaphara vayanoni viwa.

Yobu 21:5

Mukiwehe miyaano nave muttikhine nave muphare eyanwaanyu.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Ezara 9:6

killota wi, “Nyu Mullukwaaka, koowulliwa muru nave nginawora otukhullella ekhovaaka wa nyuwaano Mullukwaaka vawi machimwaahu aawella muddullu okhwaranya miru ddahu nave olakwa wahu woowella ophiyera oddullu.

Oweeruza 18:19

Alliwa yaamwaakhulla wi, “Okhurumuwe nave omaalleeye. Nithwareke, wakhalle mulangizi ni mullupa mukuthwaahu. Yaphaama ttiivi wi okhalle mullupa mukutho a nlloko nittheene na Aisraele ni wi okhalle mullupa mukutho a muthu mmodda?”

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

Genesis 18:27

Abrahamu aallotattho wi, “Pepaani, koollipa murima voollotani mwawi ddiidda ni nyuwaano, Apwiya. Miyaanothi tti muthu shisha vamiitthoni vanyu.

1 Timoteo 1:15

Mawu yaalla tti oororomelleya ni oophwanellella wi yaakhelliwe wi Khrisitu Yesu aawa va ellapo yavatthi wi aavulluse oochimwa. Miyaano kiri oonanara waakhwaranya athu attheene.

Luka 5:8

Nave Simoni Petro oonilleeye ddeereyillennddo, aakokhora moomuvaha olemu Yesu, allota wi, “Apwiya, mukivenyerevo kaambiiwa miyaano tti muthu oochimwa!”

Zekariya 2:13

Nyu athu attheene, erani ellapo tuu vamiitthoni va Apwiya ekaamba yawi aavenya ni okhuma o nipuroni niwa naweella.

Habakuku 2:20

Koma Apwiya eri mu enyumbiiwa yaweella, ellapo yavatthi ettheene yeere ellapo tuu vamiitthoni viwa.

Mika 7:16

Mitundu dda athu vawoonani ddenndda ddineerowulliwa muru naari ddikhalleve ni masiva awiidde. Eneeromaalla nave eneerokhoowa owaruni mootathilla murima.

Daniele 9:7

Nyu Apwiya, muri oolungama koma ophiyera ollello ninnavirellella owulliwa muru hiyaano athu a o Yuda, aneetthi a o Yerusalemu ni athu attheene a o Israele, avakhuviru ni awoorekama, o ellapo ddittheddene nko mwaniikarihelleenyuwo ekaamba yawi khanaaroromelleye wa nyuwaano.

Daniele 9:5

Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Masalimo 39:9

Mi tti muthu oohillota, ngihulla vayanoni vaka, vawi tti nyuwaano mweerille ddenndda.

Yobu 31:37

Keeromutthopoollella Mulluku mitteko ddaka ddittheddene, keerophiya vamiitthoni vaye wonanko mwene.

Yobu 16:21

Mmodda akipepeselle wa Mulluku, wonanko aneerella muthu ni mukhwaaye.

Nehemiya 9:33

Nyu tti oolungama va ddittheddene ddinimorenlle, nyu tti oororomelleya koma hi tti oochimwa.

Ezara 9:15

Nyu Apwiya Mulluku a Israele tti a echilungamo komave noohalla ophiyera ollello. Ngoonani niri vamiitthoni vanyu nidduwellakave ddoochimwa ddahu mwawi khaavo naari muthu mmodda aniimelle vamiitthoni vanyu ekaamba ya yeella.”

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

2 Samuele 24:10

Vatulli viwa Davide ahiivaanyiha m'murimani mwaye, oweerenga athu wulle omanlle. Vano aavekella wa Apwiya wi, “Koochimwa wunchichi vaweerani yeella. Koma vano, nyu Apwiya, kinuuvekani wi mukikhululukelle nichimo na mi oorumeyellaanyu. Vawi koheera ddookarangeya wunchichi.”

Yobu 40:3

Vano Yobu aawaakhulla Apwiya wi,

Maliro 3:29

Apopheye ekhovaaye vanthupini, apaalle etiyerellwaaye ttuukhallavove.

Levitiko 13:12

Namwareyella vamwiillini sika wi nineeromwareyella mwiilli muttheene ovenyera omuruni ophiyera omanyalloni moollikana ni mmo mullupa mukutho oonelleeye,

Yobu 37:19

Onihuddihe ddawi nimulleelle olliye. Hiyaano khaninna yoollota kaambiiwa niri mwiipiphini.

Ezekiele 16:63

Kuukhululukella ddoonanara ddawo ddittheddene nnddo weerilleewe, oneerodduupuwella nave khokhalla ni yoollota ekaamba ya owulliwa muru wawo. Mi Apwiya Mulluku koollota.”