Yobu 40:11 - Mawu a Mulluku

¹¹ Mwara owallaawo woosefukella, Wamoona muthu awiitukhulla omuyevihe.

Yobu 40:11 ပူးပေါင်းရင်းမြစ်များ

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Yesaya 2:17

Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

Yesaya 42:25

Sika yaanishella murima wunchichi, yaanihoosa ni ekhoto. Yaahella munllo virive veko voonaapheella, koma hiyaano oohiiwesesa. Munllo waanishellelliha, koma hiyaano oohihudderavo ello.

Masalimo 144:6

Sheremihani ettari wi mwaamware adanaaka, vokhani mavakaanyu wi muwiikarihe.

Yobu 27:22

Ennamoopa moohimmorella ethakaraka olliye vaweeseesani othawa mwawaakuva.

Yobu 20:23

Va enthawi yawi avone ni wiichella, Mulluku aneerommorihella owalli wawoopiha, yoochaaye enaakhalle osha murima wa Mulluku.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Yobu 4:9

Ni ovuma wa Mulluku, ennoonongeya, ni owallaaye annaashellelliha.

Yobu 21:30

Muthu oonanara annahiyiwa va nllapo na otulli, annavullusiwa va nllapo na osha murima.

Yesaya 22:19

Eneerewuuvenyihavo va okapitawaawo nave eneerewuukitthiha Voomallihani odindwaawo.”

Yesaya 23:9

Apwiya Amasiva Mattheene sika yasimikizalle ddenndda wi emallihe okota waye ni waakitthiha athu attheene oovahiwa olemu a vatthimva.

Yesaya 25:11

Amowabu eneereweeseesa orukunusa mattiiwa wonanko muthu oosambira. Koma Apwiya eneeromalliha wiitukhulla wiwa navettho eruso ya mattiiwa.

Yesaya 26:5

Ahaakitthiha ookhalla mu nipuro noowella, Ahoononga muzinda wa masiva, Aawukuha ni owuvokhella vatthi, vanthupini.

Yeremiya 48:29

Nohiiwa dda wiitukhulla wa Mowabu. Olliye tti awiitukhulla, awiinyarulla, awiiwa ddaayeve nave tti awiitukhulla wunchichi.

Daniele 4:24

“Nyu amwene, vano nngu sika ottaphullella wiwa. Nndda sika Mulluku Ooddullu asimikinzeeye wi ddineerewuumorellani.

Nahumu 1:8

Koma ni maaddi a echigumula eneerowoononga adaniiwa, ennawiikarihella o nipuro na epiphi.

Yobu 9:5

Moorurumusa, olliye annasusa miyaango, mu owallaaye annaddiphikirisa.

Masalimo 94:2

Nyu aweeruza ellapo yavatthi, venyani, ahokolloselleni ookota ddawaaphwanella.