Yobu 4:3 - Mawu a Mulluku

³ Ngoona, wohaalangiza anchichi, wohaallipiha murima oofooka.

Yobu 4:3 ပူးပေါင်းရင်းမြစ်များ

Yesaya 35:3

Mullipihe matta oofooka, mwaavahe masiva makuttha oovelleveddeya.

Aheberi 12:12

Sika okollani mattaanyu oofooka ni makutthaanyu oovelleveddeya.

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”

Miyambo 10:21

Eyano ya muthu oolungama ennaapindulella athu anchichi koma ookarangeya anniiphiwa vooramani ezeru.

Yobu 16:5

Keerewuullipihani ni mawaaka, keerewuukhurumusani ni ddoollota ddaka.

Aefeso 4:29

Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

Luka 22:43

Mungelo oovenyera oddullu aamooneyella amullipiha murima.

Deuteronomo 3:28

Koma omulangize phaama ni omullipiha murima Yoswa kaambiiwa olliye sika anaahoollelle athwaalla ollapuwa ophiyera ekhopella emoddeeyo ni waakha ellapo eyo onaayooneeweeyo.’

Ezekiele 13:22

Woottha wanyu wahaatathilliha murima athwaaka oolungama ayo mi kihinapaalleemi wi etathille murima. Mwaawummiha murima athu oonanara wi ehihiye machimwiiwa wawi khewora ovullusa okumiiwa.”

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Miyambo 16:21

Muthu eezeru anneeriwa awiiwesesa nave ollota waye wooddiva onnaakhullelliwa.

Miyambo 15:7

Eyano ya muthu eezeru ennavuwiha odduwella koma ohiri ya oonanara.

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Akolose 4:6

Mawaanyu ekhalleke aphaama wonanko mwiinyu wi mudduwelleke omwaakhulla arive muthu enthawi ddittheddene.

Ezara 6:22

Nave yaahakallallella Ehakallallo ya Buledi Oohikhalla ni Yisiti wa mallapo matthanu ni meelli. Vawi Apwiya yaaweeriha wi ehakallalle nave aarukunusa murima wa mwene a o Asiriya mwawi aaweerella echifundo nave ahaakavihera va mutteko woomakattho enyumba ya Mulluku, Mulluku a Israele.

Yobu 4:4

Mawaawo yaamullipiha ookwakwatuwa, yaamukavihera oovelleveddeya makuttha.

Yobu 29:11

Arive muthu iiwalle dda miyaano aakeera oodalisiwa. Arive muthu akoonille aanakivaha olemu.

Yobu 29:15

Kaari miittho wa oohoona, meto wa oorakalla.

Yobu 29:16

Kaari attiitthi a oohoowa, kaanatetezella phaama mullatu wa mulleto.

Yobu 29:21

Athu yaaniiwellella enatiyera, yaaneera ellapo tuu wi yiiwe malangizwaaka.

Zefaniya 3:16

Nllapo nenno eneeromulleella Yerusalemu wi, “We Ziyoni, ohoove, mattaawo ehifooke.