Yobu 3:5 - Mawu a Mulluku

⁵ Nikhalle nllapo na epiphi ni na muuthuuchi wawoopiha, nihuruwelliwe ni murapo woottikana, noopopihiwe ni erive ello yooripiha otthaana.

Yobu 3:5 ပူးပေါင်းရင်းမြစ်များ

Masalimo 23:4

Naari keeteke mu ntapo na muuthuuchi wa okhwa kheyiivo yoonanara kinaayoovekeemi, vawi nyu Apwiya munnakhalla ni miyaano, ekoondaanyu ni ekopwaanyu ddinnakiteteza.

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Yobu 28:3

Athu ennayigonjiha epiphi, ennawaasha malluku ophiyera wookomella otthewene mwiipiphini yawoopiha ni yoottikana.

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yobu 38:17

Ethiyo wahuupullullelliwa millako dda okhwa apaalle wohoona millako dda epiphi yoottikana?

Yobu 24:17

Wa attheenaalla epiphi sika ohinase wiwa, ddawoopiha dda mwiipiphini sika mwaattaniiwa.

Aheberi 12:18

Nyuwaano khamuri wonanko Aisraele ayo yaphiyalle va ello eyo yawoonriiwa ottannya, mwaango wa Sinai, olle wakhara munllo nave waari wa epiphi yinchichi ni wa ephevo yuullupalli.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Amosi 5:8

Ngamooneni oyo aphatusalle etheneeri dda Muhomekiwiiphe ni Ompoto khamuyaawo atthattusalle epiphi okhalla owala ni otthaana okhalla mahiiyu, anawiithana maaddi a mu enyanja ni owiithella mu ellapo yavatthi, nnddina naye tti Apwiya.

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Ezekiele 30:3

Nllapo nohaatamella, nllapo na Apwiya niri vakhuviru. Nllapo namirapo, nllapo na ollakiwa wa mitundu dda athu.

Yeremiya 4:28

Sika ellapo yavatthi ettheene eneerewinlla nave oddullu oneerokhalla epiphi. Vawi mi Apwiya koollota, ngirukunusa maganizwaaka. Kookeraatthiha yoolingaaka, ngihokollweella mutulli.

Masalimo 107:14

Apwiya yahaakhumiha athwaayo mu epiphi ni omuuthuuchini wa okhwa, yaaphadda onyolwiiwa.

Masalimo 107:10

Amodda yaakhalla mu epiphi ni m'muuthuuchini wa okhwa, yaari a mundende oohoosiwa ni onyolo.

Masalimo 44:19

Komave nyuwaano mooninyenya, moonihiya variyari va akhatwe muhakani ni onihuruwella ni epiphi yawoopiha.

Yobu 16:16

Miitthwaaka aafiira ni winlla, ahiipa wunchichi.

Deuteronomo 4:11

“Nave nyuwaano mwahiimella museresere mwa mwaango oyo wakhuneelliwe ni murapo wa mwiisi wooripa ni mallumi amunllo.

Yobu 3:4

Nllapo nenne nitthattuwe neepiphive. Mulluku oddullu ahinipwathettho, owala ohinimolleellettho.

Yobu 3:6

Mahiiyu yaayo emiryiwe ni epiphi yoomakana, ehikhallettho va mallapo a vamuyakhani, eheerengiwettho vamodda ni miyeri.

Yobu 34:22

Khawuri mahiiyu apaalle epiphi yoottikana nko enaaworiiwa wiipitthawo aweera ddoonanara.