Yobu 3:14 - Mawu a Mulluku

¹⁴ keerokhalla nimodda ni mamwene ni enduna dda veellaponimva, ayo yiimakenlle enyumba nnddo ollello tti matepe,

Yobu 3:14 ပူးပေါင်းရင်းမြစ်များ

Yobu 15:28

anaakhalleke mu mizinda ddookumuwa, mu enyumba ddoohikhalliwa, enyumba ddootthattuwa matepe.

Ezekiele 26:20

Kineerewuukuhella vatthi wi okhalle vamodda ni athu akhalle ayo yakitthenlle omahame. Kineerewuukitthihella ollitininko vamodda ni athu yakhwille khalle wonanko ntepe natthaamiwe khallekhalle. Sika khowa okhalla ni athu mu ellapo ya ookumi.

Yesaya 58:12

Athwaanyu eneeromakattho enyumba m'matepeni enthawi yoorekama nave va matthipello akhalle. Sika muneeroromolliwa oopotokosa misewu ni oopotokosa mipanda.”

Yesaya 5:8

Otulli wa athu ayo enoonjerera okulla enyumba ni emata ddittheddene ophiyera waakha mapuro mattheene wi ellapo ekhalle yayiwayayiwa.

Oollalleya 8:8

Monga mmo muthu ahinakhallelleeye ni masiva oolamulella mpweya wa okumi tti mmo ahinakhallelleeye ni masiva oodduwella nllapo na okhwa waye. Ekhoto khenathaweya. Athu aweera ddoonanara onanara wiwanko khuwaavullusa.

Masalimo 89:48

Ethiyo ttaani anaawore okhalla ni okumi, woohikhwa, ovullusa okumaaye o ellapo ya ookhwa?

Masalimo 49:14

Enaphwanella oya o ellapo ya ookhwa wonanko enkhosa, okhwa oneerokhalla mbusiiwa. Athu oolungama eneerewaapambana, eneerokittha oya omahame, miilli ddiwa ddineerewunta, owaniwa oneerokhalla omahame.

Yobu 30:23

Vawi kinnadduwella wi munakiyaana wuukhwaani, o nipuro wookumanella ookumi attheene.

Yobu 12:17

Annaddaakha ezeru enduna, annaakarangeyiha aweeruza.

1 Mamwene 11:43

Vano Solomoni aakhwa avitthiwa mu muzinda wa Davide, attiitthinnya. Nave Rehobowamu, mwanaye, aavollowa omwenaaye.

1 Mamwene 2:10

Vano Davide aakhwa aavitthiwa mu muzinda wa Davide.

Yobu 12:18

Annaakitthiha mamwene vampandoni viwa, annaatthattusa a mundende.

Yesaya 14:18

Mamwene mattheene a mitundu dda athu enakona mooriiheya, arive muthu mu mahame aayeaaye.

Yesaya 22:16

“Ethiyo eneerawo tini wuno? Ollipalle murima mwawiidde va wiikatella mahame wuno wiikatella mahame vamwaangoni ni wiisemella moovumellamo m'mallukuni?