Yobu 3:11 - Mawu a Mulluku

¹¹ Ethiyo kahiyariwelle tini ookhweene? Ethiyo kahikhwelle tini kiri oyariwa wene?

Yobu 3:11 ပူးပေါင်းရင်းမြစ်များ

Yesaya 46:3

“Nyu edduullu dda Yakobo, kiiwellelleni, nyu attheene oohalla a mu nibanja ya Israele. Kohuupwathani ovenyera eyariwellwaanyu, kahuutukhullani waambeella m'mirimani mwa ameenyu.

Hoseya 9:14

Mwaavahe, nyu Apwiya, munaawaavahe tini? Mwaavahe erukullu yoonyingalla nihaka khalle ni mapelle awumma.”

Yeremiya 15:10

Nyu amoowaaka, mi kookhalla ni otulli vawi mwaakiyara mi muthu ookangana ni oovaanyana ni athu a va ellapo ettheene. Ngipolleyille erive ello wa muthu apaalle omupolleya ello muthu komave athu attheene enimakitembelera.

Masalimo 71:6

Mookiseera, waambeella eyariwellwaaka, mwaakikhumiha m'murimani mwa amoowaaka, kinnuutitimihani nyuwaano erive enthawi.

Masalimo 58:8

Ekhalle wonanko munta oyo onattotthowa waaweetaka, ekhalle wonanko mwaana ookhote oyo ahoonille nndduwa.

Yobu 3:10

Vawi kheyaawanlle nchiwi na erukullu wi kihiyariwe, okiipitthiha wi kihikumane ni ddoohoosa.

Yobu 3:12

Ethiyo makokhoro a amoowe yakaakhellelle tini? Ethiyo mapelliiwa yakaamwihelle tini?

Oollalleya 4:2

Kaallota m'murimani wi ookhwa, alle yarowille khalle, tti eekari wunchichi okhwaranya ni ayo eri ni okumi.

Oollalleya 4:3

Koma owaakhwaranya attheenaayo tti oyo ahinayariwe, oyo ahinaddoone mitteko ddoonanara nnddo ddineereya vatthimva.

Yeremiya 20:17

kaambiiwa khaakiiphalle kihinayariwe wi erukullu ya amoowaaka etthattuwe mahamaaka.

Oollalleya 6:3

Naari muthu akhalle ni anamwani anchichi nave akhalle ni okumi wa miyakha ddinchichi naari miyakha ddayennddo ddaate mwawiidde koma ohihakallalla ni eyuumaaye nave makuthullellweene ahivitthiwe phaama. Miyaano kinallota wi muthooyo ookhwaranyiwa ni mwaana ookhote.

Oollalleya 6:5

Naari mwaana ookhotooyo ahoonille nndduwa apaalle odduwella erive ello komave anniithuuwa omukhwaranya muthu a okumi woorekamoolle