Yobu 27:9 - Mawu a Mulluku

⁹ Ethiyo Mulluku ttuuwiiwa winlla waye ddookatamiha ddammorella?

Yobu 27:9 ပူးပေါင်းရင်းမြစ်များ

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Miyambo 1:28

Muneerekokiithana koma ngiwaakhullakani. Muneerekokaashaashesesa koma khamukiphwanyaka

Mika 3:4

Enthawi enimawa mvo muninllelleenyu wa Apwiya koma khewaakhullani. Enthawi yeeyo Apwiya eneerewiipitthiha ekhoviiwa kaambiiwa mitteko ddanyu tti ddoonanara.

Masalimo 18:41

Yaakhuwa koma khaarivo naari mmodda aavullusalle, yaawinllella Apwiya koma kheyaawaakhullalle.

Yakobo 4:3

Nave mwaveka khamunaakhella kaambiiwa munaveka moonanara. Ddooveka ddanyu munapaalla ophariha mutteko va ddeko ddawuuhakallallihani.

Zekariya 7:13

Vawi kheyaakaapenlle maaru kawiithanilleemi, miyaanottho ngaawaapenlle maaru yakiithaniiwa. Mi Apwiya Amasiva Mattheene koollota

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Yeremiya 11:11

Sika vano mi Apwiya kinallota wi kineerewaamorihella ddoohoosa ddoohithaweya. Naari ekinllelleve mwawiidde ngaapella maaru.

Masalimo 66:18

Kadduwenlleke yoonanara m'murimani mwaka nave kiyivittha, Apwiya kheyaakiiwellelle.

Yohane 9:31

Ninnadduwella wi Mulluku khanawiiwellella athu oochimwa. Koma muthu mmodda aamullapellaka Mulluku nave aneera opaalla waye vano Mulluku annamwiiwellella.

Luka 13:25

Vano mwaneena a enyumbeeyo aneerowalla o mullako nave amodda a nyuwaano muneerewiimella vaatte, mookothaka vanchiwini mullotaka wi, ‘Apwiya, nihullelleni.’ Olliye aneerewaakhulla wi, ‘Nginuudduwellani. Munavenyera wuuwi?’

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

Masalimo 109:7

Voomweeruzani aphwanyeye ni mullatu, mavekellwaaye ekhalle wonanko machimo.

Deuteronomo 1:45

Sika nyuwaano mwaahokollowa mwinllaka wi Apwiya yuukavihereni koma kheyaawiiwalleeni apaalle owaapellani maaru.

Miyambo 1:27

ddaaphiyaka wa nyuwaano wonanko namondwe, otulli waawuuphiyellakani wonanko namangalle, ddoohoosa ni ddookatamiha ddaawuumorellakani.

Masalimo 18:42

Kahaasillasilla wonanko nthupi noovava ni ephevo, kahaanyingallella wonanko matokwi a m'musewuni.