Yobu 27:5 - Mawu a Mulluku

⁵ Naari vang'ono ngaakhullella wi muri oolungama vawi ngitathilla ororomelleya waka ophiyera okhwa.

Yobu 27:5 ပူးပေါင်းရင်းမြစ်များ

Yobu 2:9

Vano mwaariye aamulleella wi, “Ethiyo onnaroromellave wa Mulluku? Mullotelle epewe nave okhwe!”

Yobu 13:15

Naari akiiphe, kineromuroromellave, kinerotthopoolla mullatwaaka vamiitthoni vaye,

Agalatiya 2:11

Nave Petro aphiyalleeye o Antiyokeya,* kaamuvaanya vamiitthoni va athu kaambiiwa eerilleeye kheyaari yaphaama.

Miyambo 17:15

Ookamulla mullatu wa muthu oonanara wi khalakwille annaananara Apwiya emoddamoddave yeeyo anamweera muthu oolungama wi oolakwa.

Yobu 42:7

Apwiya emallihalle ollota mawu yaalla ni Yobu, yaamulleella Elifazi Mutemani wi, “Mi kohuushella murima wunchichi weyaano vamodda ni akhwaawo eellaayo vawi khemwaallonte ddaphaama dda miyaano wonanko eerelle oorumeyellaaka Yobu.

Yobu 32:3

Ahaashellattho murima akhwaaye a ararwaalle a Yobu ekaamba yawi kheyaamwaakhunlle naari alliwa yaphwanyille wi Yobu tti oolakwa.

Yobu 29:14

Echilungamo yaari wonanko yoowaraaka, ddaphaama ddaka ddaari wonanko mukanjo ni enduwira.

Deuteronomo 25:1

“Vakhalla okangana variyari va athu nave alliwaayo yaya o nthato namillatu wi yeeruziwe, aweeruzaayo ekamulleke wi olla khalakwille nave olla oolakwa.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Yobu 2:3

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliye veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku. Olliye tti oororomelleya wunchichi naari weyaano wakiwatiherille wi kiwaakhullelle wi omuhoosa vihiri ekaamba.”

Yobu 6:29

Mukeerelle echifundo, hiyani ddoohilungama, muhikiipe mullatu vawi kiri oolungama.

Yobu 31:6

Mulluku akilinge va esikelo yoororomelleya, adduwelle wi miyaano kiri oohichimwa.

Yobu 32:1

Sika athu ararwaalle yaahiya omwaakhulla Yobu ekaamba yawi aaddooniha yeekha wi tti oolungama.

Yobu 32:2

Vano Elihu, mwaana a Barakele, a nlloko na Buzi, a nibanja na Ramu aamushella murima Yobu ekaamba yawi aaddooniha oolungama omukhwaranya Mulluku.

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Yobu 31:7

Manyallo yahiya ettilla, murimaaka wasilila moonanara, mattaaka yaripihiwa ni ddoonanara,

Yobu 33:9

We enallota wi, ‘Mi tti aweella, nginna yoolakwa, miyaano tti oolungama, nginna nichimo.