Yobu 27:2 - Mawu a Mulluku

² “Vamiitthoni va Mulluku Ookumi oyo akaakhille echilungamo, vamiitthoni va Amasiva Mattheene oyo akivoriihalle murima,

Yobu 27:2 ပူးပေါင်းရင်းမြစ်များ

Yobu 34:5

Vawi Yobu anallota wi, ‘Kiri oolungama koma Mulluku ookaakha echilungamwaaka.

2 Mamwene 4:27

Vano aphiyalle omwaangoni, wa Elisha muthu a Mulluku, mutthiyanooyo aakokhora aphara manyallo a Elisha. Gehazi aawa wi amukakhe. Koma Elisha aallota wi, “Muhiye, ethiyo khonoona wi ari mu ddookatamiha ddinchichi? Apwiya aakiipitthihella ddenndda, khekilleelle.”

Numeri 14:21

Koma ddawoona kinimallupella vamiitthoni vaka navettho va ntitimiho naka niddanlle ellapo yavatthi,

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yesaya 40:27

We Yakobo, we Israele, onallotellati wi, “Apwiya khenadduwella ddoohoosa ddaka, khenapwatha dda miyaano?”

Yobu 10:3

Ethiyo enuuddivellani tini mwaakihoosaka, ovevulla mutteko wa mattaanyu, munakondella ddoolinga dda oonanara?

Yobu 9:18

Khanakihiya wi kiithuuwe, annakoonjerera ddoowaawa.

1 Mamwene 18:15

Eliya ahaakhulla wi, “Kinimallupella vamiitthoni va Apwiya Amasiva Mattheene ayo kinaarumeyelleemi wi ollello vaava kineeroddoonihella vamiitthoni va mwene.”

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

2 Samuele 2:27

Yowabu ahaakhulla wi, “Kinimallupella vamiitthoni va Mulluku wi wahillotilleke ddiiddo, akhotwaaka kheyaahiye owiikariha abaliiwaayo ophiyera osiisello ohinase.”

1 Samuele 25:34

Apwiya Mulluku a Aisraele sika akivaanyihalle wi kihuuvoreyeni. Kinimallupella vamiitthoni va Mulluku Ookumi. Mwahaakuvalleke okumana ni miyaano voophiyani ohinase, allopwana attheene a Nabala yaakhalle yiiphiwe.”

1 Samuele 25:26

Vano apwiyaaka, tti Apwiya ayo yuuvaanyihalleni wi muhiwiiphe adanaanyu ni mattaanyu. Kinnallupella vamiitthoni va Apwiya wi adanaanyu attheene enapaalla oweerellani yoonanara ellakiwe wonanko Nabala.

1 Samuele 20:21

Vano kineeromuruma mullupa muttekwaaka wi atote mipaambannddo kallota wi, ‘Ngatota mipaamba nnddo ddiri okhwipinko’ Vano weyaano okhume. Kinimallupella vamiitthoni va Apwiya wi murendelle wookhallawo nave ngaakhullella wi weyaano okumane ni ddawoopiha

1 Samuele 14:45

Koma athu yaallota wa Saulo wi, “Iyaayi, Yonatani oophara mutteko wowaavullusa Aisraele okhotoni, vano khaniwaakhullellani wi mumwiiphe naari omuukutha. Eerilleeye ollellonndde amukavihere tti Mulluku.” Vano athu yaamuvullusa Yonatani nave khaawiiphiwe.

1 Samuele 14:39

Kinimallupella vamiitthoni va Apwiya, ayo enaavullusa Aisraele, oochimooyo naari akhalle mwanaka, iiphiwe.” Koma khaavo naari muthu mmodda amwaakhullalle.

Rute 3:13

Kona weewuno mahiiyu vano. Ohinase olliyooyo uutthella ddaphaamave koma ahipaallaka, miyaano kineerewuutthella. Kinimallupella vamiitthoni va Apwiya Ookumi. Kona ophiyera ohinase.”

Yobu 16:11

Mulluku ookivelleella wa oohimullapella, ookivokhella m'mattani mwa oonanara.

Yobu 19:6

Ethiyo khamunadduwella wi Mulluku sika akirukunuwelle, olliye sika akireyille musampha yoolla.

Yobu 23:16

Mulluku ookifookiha, Amasiva Mattheene ookoopiha.

Yobu 35:2

“Ethiyo Yobu, onaganiza wi ddenndda tti ddawoona voollotani wi, ‘Kiri oolungama omukhwaranya Mulluku?’

Yobu 40:8

Ethiyo ttuukeesa miyaano oolakwa? Ethiyo ttuukihumullulla wi we okhalle oolungama?

Yobu 9:17

Vawi annakuukutha ni ephevo yawoopiha, annakoonjerera makhwata vihiri ekaamba.