Yobu 26:7 - Mawu a Mulluku

⁷ Voohikhalla ello annaanddellella eddullu ya ompoto, aannayitthomeya ellapo yavatthi.

Yobu 26:7 ပူးပေါင်းရင်းမြစ်များ

Yobu 9:8

Mulluku yeekha ahaanddellella ddooddullu, olliye sika aneeta va mafunde a va enyanja.

Yesaya 40:22

Ellapo yavatthi yaphatusiwe ni olliye, oyo anakhalla va mpandwaaye woomwene oddullu, anawoona athu a vatthimva wonanko middope, anaanddellella mirapo wonanko ekuwo, wonanko musasa wookhallamo.

Yesaya 42:5

Mulluku Apwiya aaphatusa ni waanddellella ddooddullu, aaphatusa ellapo yavatthi ni ddittheddene ddiri mwemmo, aavaha okumi ni mpweya wa athu ookhalla mwiillaponimmo. Olliye anallota wi,

Masalimo 24:2

Vawi tti alliwa yayiikaatthille va enyanja dduullupalli, va mihinje ddoowallamella yaayikeraatthiha.

Yesaya 40:26

Tukhullellani miitthwaanyu muwehe muddullu! Ethiyo ttaani aphatusalle etheneeri munooneenyunndda? Olliye sika anaddihoollella wonanko mulloko wakhoto, erive etheneeri annayiithana nnddina niwa. Vawi ekophollo ni masivaaye tti dduullupalli, kheyiivo naari emodda enaramavo.”

Yobu 38:6

Ethiyo matthipellweene yakatelliwe vawiidde apaalle ttaani iikaatthille nlluku noopaalleyesesa

Masalimo 89:12

Mwaaphatusa ompoto ni omwera, Tabori ni Heremoni ennatitimiha nnddina nanyu moohakallalla.

Zekariya 12:1

Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,

Masalimo 89:13

Nyuwaano mookhalla ni muwono wamasiva, nnatta nanyu tti na ekophollo, nnattanatta nanyu tti noopambana.

Yesaya 40:21

Ethiyo khamwaadduwella? Ethiyo khamwiiwalle? Ethiyo khamwaalleelliwe vawaamba apaalle khamwiiwesese ovenyera mvo etthipellelliwe ellapo yavatthi?