Yobu 24:9 - Mawu a Mulluku

⁹ Aakhallavo enawaakha akhwaadduni vanipelleni, ennaakusa echikole anamwani a oohoowa.

Yobu 24:9 ပူးပေါင်းရင်းမြစ်များ

Nehemiya 5:5

Vano naari niri a mutundu mmoddave ni akhwiihwaalla nave wi aniihu ennaphwanaphwana ni aniiwa, ninnaawatihera aniihu wi ekhalle akaporo nave amodda mwa aniihu aatthiyana aaphariwa khalle okaporo. Komathi hiyaano khaninna masiva wi neerevo ello vawi athu amodda aanaakha khalle emata ddahu ni emata ddahu ddampesa.”

2 Mamwene 4:1

Nllapo nimodda, mwaara a mmodda a m'mulloko wa anamallotella aaya wa Elisha nave aaveka mookhuwa wi, “Mamunaka oyo aari oorumeyellaanyu aakhwa. Nave nyu munnadduwella wi olliye aanawoova Apwiya. Vano woophiya muthu oyo mamunaka akongonleeyewo ddeko nave anapaalla aakuse anaaka eelli wi ekhalle akaporwaaye ekaamba ya ekongoleeyo.”

Yobu 6:27

Ddawoona, ttuumukulliha naari mukhwaadduni, ttuwaakhella makobiri va okumi wa mukhwiinyu.

Yobu 22:6

Waawatihera nivuddo abalaawo wi evelleelle echikole, waawaakha ddoowara ddiwa waahiya epwillimwinddive.

Yobu 24:8

Ennanaana ni murimu oomwaangoni, ennawanddeellella omakhunguni wi etiitheye.

Yobu 24:10

Oohoowa eneeta epwillimwinddive orama ddoowara, ni ettalleene ennatukhullihiwa mitolo dda tirigu.

Yobu 29:12

Vawi kaamuvullusa oohoowa awinlla, mukhwaadduni oorama nikavihero.

Yesaya 3:14

Apwiya enawiipa mullatu attekweene ni oohoollella a athwiiwa. Enaahumullulla wi, “Nyu sika moonongille emata yampesa nave enyumba ddanyu ddooddalla ni ddeko ddawaakha ovenyera wa oohoowa.

Deuteronomo 24:7

“Arive muthu anamwiiya Muisraele mukhwaaye ni omusunga apaalle omukulliha wonanko kaporo, iiphiweke. Sika mwawi ddiidda muneerovenyihavo yoonanara variyari vanyu.