Yobu 2:4 - Mawu a Mulluku

⁴ Satana awaakhulla Apwiya wi, “Mwiilli olliva mwiilli. Muthu ttuuddivelleella ddittheddene ariiyena wi akhalle ni okumi.

Yobu 2:4 ပူးပေါင်းရင်းမြစ်များ

Mateyu 16:26

Muthu anaapindulevo tini aakhella ellapo yavatthi ettheene atathilla okumaaye? Apaalle muthu anaavelleelle tini wi ahokolloselliwe okumaaye?

Mateyu 6:25

“Ella sika ekaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle munaawirye tini apaalle dda mwiillaanyu wi munaaware tini? Ethiyo okumi khonakhwaranya yoocha? Navettho mwiilli khonakhwaranya yoowara?

Yeremiya 41:8

Koma va mullokooyo vaakhalla athu khumi ayo yamulleelle Ishmaele wi, “Hi muhiniiphe, nookhalla ni tirigu, barele, makhura ni enwi nnddo naddivinttheehu m'matani.” Sika yahaahiya, kheyaawiiphenlle nimodda ni abaliiwaalle.

Yobu 2:3

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliye veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku. Olliye tti oororomelleya wunchichi naari weyaano wakiwatiherille wi kiwaakhullelle wi omuhoosa vihiri ekaamba.”

Yobu 2:5

Koma vano onongani makhuvaaye ni mwiillaaye nave moohikayika aneerewuullotellani epewe.”

Genesis 47:17

Sika yaawaana eziweto ddiwa monga akavalo, enkhosa, epuri, eng'ombe ni abulu wa Yosefe, yaakakhaniha ni ddoocha. Muyakha yooyo Yosefe aawinnya ddoocha athwaayo mwawaakakhaniha ni eziweto ddiwannddo.

Genesis 47:19

Apwiya, ethiyo ddawoona nikhwelle vamiitthoni vanyu nave nihiye emata ddahu? Munikulle hiyaano ni emata ddahu vawaakakhanihani ni ddoocha. Ninaakhalle akaporo a Farao nave olliye aneerokusa emata ddahu wi ddikhalle ddaaye. Munivahe mmiddo wi nihikhwe ni ettalla navettho wi emata ddahu ddihikhalle ddoohillima.”

Yoswa 9:24

Alliwa yahaakhulla wi, “Apwiyaahu, hiyaano naheera ddenndda kaambiiwa nahiiwa wi Apwiya Mullukwaanyu, yaamulamula oorumeyelliiwa Mose wi uuvaheni ellapo ettheeneella nave wi muwiiphe athu attheene orive weko nko munawaphwanyeenyu. Sika naheera ddenndda vawi naawoovani wunchichi nave napaalla ovullusa okumaahu.

1 Mamwene 20:31

Nave oorumeyellaaye yaamulleella wi, “Ngoonani vano, nohiiwa wi mamwene a o Aisraele tti eethakaraka. Hankoni niware eziguduli muyuununi ni waapheelliha mikwe munikohini wooniha ogonja, niye wa mwene a o Israele apaalle khawiiphani.”

Miyambo 13:8

Enoopolla okumi wa muthu tti eyuumaaye koma muthu oohoowa khanna yoomoopolla.

Luka 12:23

Vawi okumi onnakhwaranya yoocha. Navettho mwiilli onnakhwaranya yoowara.