Yobu 2:12 - Mawu a Mulluku

¹² Voomoonellani voorekama Yobu kheyaamudduwenlle, sika yahoopa ekutho. Yahaahulla mikanjo ddiwa, yiihella nthupi omuruni.

Yobu 2:12 ပူးပေါင်းရင်းမြစ်များ

Ezekiele 27:30

Attheenaayo ennawinllella wunchichi owinllella, yiihellaka nthupi omuruni, edduupurusaka muntuurani.

Maliro 2:10

Attekweene a mwaana aamutthiyana, Ziyoni, ekeraatthille vatthi, eri khumaa! Ahiihella nthupi omuruni nave ewanre eziguduli. Anamwalli a o Yerusalemu aawaramihella miru ddiwa vatthi.

Nehemiya 9:1

Vano va nllapo na 24 na mweeri yoolla, Aisraele attheene yaatthukumana wi ehalle ocha, ewanre mathumba ni wiihella nthupi m'muruni. Nave Aisraele yahiipatula variyari va alleto attheene nave enawulula machimwiiwa ni ddoonanara dda makhollwiiwa.

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Yawuupullulla 18:19

Yahiihella nthupi m'muruni mwiwa nave yinlla ni ommorella ethakaraka ellota wi, “Otulli! Otulli! Muzinda woovuwooyo! Olla tti muzinda oyo athu attheene yaari ni ekallawa ddiwa ddaweeta va enyanja yaatukhuwa ni eyuumiiwa! Nave va enthawi yooyeva, eyuuma ettheeneelle yoomalla!”

Yobu 19:14

Abalaaka aakithawa, akhwaaka aakitathilla.

Estere 4:1

Mordekai iiwalleeye ddittheddene ddeereyillennddo, ahaahulla ddoowara ddaye, awara nthumba ni wiihella ntuura ekaamba ya ethakaraka. Aaya avollowa muwari mwa muzinda, inllaka mookhuwa ni moovoreyiwa murima wunchichi.

2 Samuele 13:36

Amallihaka wene ollota anamwani a mwenaalle yaakhumellella. Nave anamwanaayo yahaamba winlla moowelliha mawu. Vatulli viwa mwenooyo nayeenettho ahaamba winlla ni oorumeyellaaye.

1 Samuele 30:4

Vano Davide ni athwaaye yahinlla moowelliha mawu ophiyera masiva awinllella yahaamallella.

1 Samuele 11:4

Oorumiwaalle yaphiyalliiwa owaniwa wa Saulo o Gibea, yahaalleella athu dda mwahoolla, attheene yahaamba winlla ni murimiiwa muttheene.

Oweeruza 2:4

Mungelooyo allotille mawu yaalla wa Aisraele attheene, athwaayo yahaamba okhuwa ni winlla.

Genesis 27:34

Esau iiwalleeye ddenndda, ahinlla wunchichi moovoreyiwa murima nave aallota wi, “Attiitthi, mukidalisettho miyaano.”

1 Samuele 4:12

Muthu mmodda a nlloko na Benjamini aathawa okhotoninko aphiya o Shilo nllapo nenno. Aari aahullalle ddoowara ddaye nave ahiihella ethaya m'muruni wooniha wi anamoriwa ethakaraka.

Ezara 9:3

Kiiwalleemi ddenndda kahaahulla ddoowara ddaka ni mukanjwaaka ekaamba ya ethakaraka nave kaatulla meehi a m'muruni mwaka ni ereru ddaka kikeraatthi mootathilla murima.