Yobu 18:5 - Mawu a Mulluku

⁵ Enyali ya oochimwa yoothiima, mallumi a munllwaaye khenawala.

Yobu 18:5 ပူးပေါင်းရင်းမြစ်များ

Miyambo 13:9

Owala wa muthu oolungama khonathiima koma enyali ya oonanara ennathiima.

Miyambo 24:20

Vallethi muthu oonanara khaddinamweetella phaama muhoollo, okumi wa athu oonanara oneerothiima wonanko enyali.

Miyambo 20:20

Muthu aatembelela attiitthinnya apaalle amennya enyalaaye eneerothiima mwiipiphini.

Yobu 21:17

Tti okavi enyali ya oonanara ethiimaka? Tti okavi otulli waamorellaka? Tti okavi Mulluku aashellaka murima ni waallaka?

Yesaya 50:11

Ngoonani, attheene nyu munaviddeella munllo, ni okhariha ekhuni wi moononge, vollowani m'munllonaanyu yooyo, etani variyari va ekhuni mwakharihalleenyu. Muneerokhalla mu ddoohoosa, mi Apwiya sika kinuumorihelleni.

Miyambo 4:19

Ettilla ya athu oonanara tti wonanko epiphi yawoopiha. Khenadduwella yaakwakwatullalle.

Yobu 20:5

Ethiyo khonadduwella wi ohakallalla wa oonanara khonallekella, othapella wa oohimoova Mulluku tti wa enthawi yooyeva?

Yobu 18:4

Oniiphoriihe phudda ni onanariwa wawo. Ethiyo ellapo ttuutathilliwa ekaamba ya weyaano, apaalle nlluku ttuuvenyihiwavo ekaamba ya weyaano?

Yesaya 57:20

Koma athu oonanara tti wonanko enyanja yoovidduwa, yooheera ellapo tuu nave mafundiiwa enakhallella ovokha matokwi ni mihava.

Ezekiele 32:7

Kineerowoononga, kineerohuruwella oddullu nave kineeroripiha etheneeri. Kineerohuruwella nndduwa ni murapo nave mweeri khowa owala.

Yobu 15:30

Olliye khawora oyithawa epiphi, anaakhalle wonanko enthambi ddoosha ni munllo, muteekho oyo malluwiiwa enavakaresiwa ni ephevo.

Miyambo 21:4

Wiitukhulla ni wiinyarulla tti enyali ya oonanara, tti nichimo.