Yobu 17:9 - Mawu a Mulluku

⁹ Komave oolungama ennumellella ettilliiwa, oohilakwa ennallipihella okhalla aweella.

Yobu 17:9 ပူးပေါင်းရင်းမြစ်များ

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Yobu 22:30

Annamwaakiha naari muthu oyo ari ni mullatu, oneerovullusiwa ekaamba ya mattaawo yakhalla aweella.”

Miyambo 14:16

Muthu eezeru annoova nave annahiya ddoonanara koma ookarangeya anniitukhulla nave khanatikheya.

Masalimo 84:7

Masiviiwa ennavirellella waata, Mulluku a milluku awooneya mu Ziyoni.

Genesis 20:5

Abrahamu vookilleellani allotille wi, ‘Tti murokoraka,’ Nave olliyettho mwaneenaaye aallota wi, ‘Tti murokoraka.’ Miyaano vaweerani ddenndda, ngoonille yawuupusella murima nave ngichimwalle.”

Masalimo 73:13

Miyaano koosunga murimaaka waweella, koonawa wooniha wi miyaano tti oohilakwa koma ddittheddenennddo khaddinna mutteko.

Masalimo 26:6

Kinnanawa wooniha wi ngichimmwe, kinnuullapellani va nikuwa nanyu na mukutho, nyu Apwiya.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Mariko 7:2

Yahoona wi amodda a oohudderaaye yaanacha yoocha ni m'mattani moohinawa phaama moollikana ni ehuddiho ya Afarisi.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Masalimo 24:4

Tti oyo aneera ddaphaama, ari ooreera murima, ahinallapella mafano, ahinallupella moolleka.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Yobu 31:7

Manyallo yahiya ettilla, murimaaka wasilila moonanara, mattaaka yaripihiwa ni ddoonanara,

2 Samuele 3:1

Vano ekhoto variyari va athu a Saulo ni athu a Davide yaavirellellave wa enthawi yoorekama. Masiva a Davide yaanavirellella waata koma masiva athu a Saulo yaanavirellella oyeva.

Yobu 27:5

Naari vang'ono ngaakhullella wi muri oolungama vawi ngitathilla ororomelleya waka ophiyera okhwa.

Yobu 27:6

Kineerollipihellave echilungamwaaka, nginna yawiivaanyiha m'murimani mwaka.

Yobu 33:9

We enallota wi, ‘Mi tti aweella, nginna yoolakwa, miyaano tti oolungama, nginna nichimo.

Masalimo 11:3

Kheyiivo eyo oolungama enaaweeriiwa, oonanara yaahithwaraka malamulo.”

Masalimo 84:8

Nyu Apwiya Mulluku Amasiva Mattheene, iwani nivekello naka, nyu Mulluku a Yakobo kireyeni naaru,

Miyambo 10:25

Namangalle aawoopaka athu oochimwa ennavavihiwa koma oolungama ennakeraattheya wa enthawi yoohimalla.

Miyambo 10:30

Muthu oolungama khawa avenyihiwa munipuroni mwiwa nave oonanara khawa akeraattheya mwiillaponi.