Yobu 14:4 - Mawu a Mulluku

⁴ Ethiyo ttaani anaakhumihe yaphaama mu yoonanara? Khaavo naari mmodda.

Yobu 14:4 ပူးပေါင်းရင်းမြစ်များ

Yohane 3:6

Athu enaayara athu, Munepa Waawella ttuuwora ovaha okumi wa minepa ddiwa.

Yobu 15:14

Ethiyo muthu tti tini wi ttuukhalla oohichimwa, ooyariwa ni mutthiyana ttaani wi ttuukhalla oolungama?

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

Aroma 5:12

Machimo yaavollowille mu ellapo yavatthi ekaamba ya muthu mmodda, Adamu nave machimo yaalla yaawaana okhwa. Ekaamba ya yeella okhwa woohaphiyera athu attheene kaambiiwa arive muthu aachimwa.

Luka 1:35

Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.

Masalimo 90:5

Munnaakwekweresa athu wonanko maaddi, enakhalla wonanko olloha. Ohinase enakhalla wonanko manasi enattaphuruwa,

Genesis 5:3

Adamu ari ni miyakha 130 aamuyara mwaana oophwanaphwana ni olliye, nnddina naye Seti.

Miyambo 20:9

Ttaani anaallote wi, “Kooweelliha murimaaka nave nginna nichimo?”

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.