Yobu 13:11 - Mawu a Mulluku

¹¹ Ethiyo olamulellwaaye khowoopihani? Ethiyo masivaaye kheyuutthukumellihani?

Yobu 13:11 ပူးပေါင်းရင်းမြစ်များ

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Yobu 31:23

Vawi kinnoova otulli woovenyera wa Mulluku, nginawora weera ello ekaamba ya ottekweenaaye.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Yesaya 8:13

Koma Apwiya Amasiva Mattheene muweeseke aweella nave oophwanella owoova ni waatthukumellella

Yobu 13:21

Muhiye okillaka, muhikinyenye ni woopiha wanyu.

Eksodo 15:16

Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Yobu 13:12

Miyambi ddanyunndda ddiri shisha wonanko ntuura, muniiteteza ni mawu oohillipa wonanko olloko.