Yobu 12:4 - Mawu a Mulluku

⁴ Kinnattheyiwa ni akhwaaka, miyaano oyo kaveka wa Mulluku, aanakaakhulla, muthu oolungama ni oohichimwa, koma ollello kiri oottheyiwa.

Yobu 12:4 ပူးပေါင်းရင်းမြစ်များ

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Yobu 30:1

Koma vano enimakittheelliha ayo eri anamwani wa miyaano, ayo attiitthiiwa kaavevulleemi, oohiweesa oophwanella ophara mutteko vamodda ni anapwa oowehera eziweto ddaka.

Yobu 21:3

Kihiyeni wi killote, kamalliha ollota, muvirellelle okinyaambusa.

Yobu 17:6

Ookitthattusa yoottheyiwa ni athu, ookoona ennakittapha.

Yobu 17:2

Ddawoona, virive veko athu enimakittheya, kinnoona ni miitthwaaka mmo enakinyaambuselliiwa.

Yobu 16:10

Athu ennakivevulla ni eyano ddiwa, enakuukutha vanramani mweepewe, ennatthukumana ollipana ni miyaano.

Aheberi 11:36

Amodda yaattheyiwa ni owashulliwa, yaamakiwa ni onyolo nave ehiyiwa mundende.

Mitteko 17:32

Yamwiiwalliiwa Paulo allotaka dda ovenya wa ookhwa, amodda yaamuttheya koma amodda yaallota wi, “Ninapaalla wi muwe wi munilleellettho dda ddenndda.”

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Mariko 5:40

Yaamuttheya mweepewe, sika ahaakhumiha. Ahaakusa attiitthinnya a mwaanooyo, amennya ni oohudderaaye araru, evollowa mmo mwaari mwaanooyo.

Mateyu 27:29

Vano yaalluwa echipewa ya miiwa emuwariha m'muruni mwaye nave emuphareelliha ekopo mu nnattanatta naye. Nave yaanakokhora vahoollo vaye enamullotella epewe wi, “Mooselliwa, Mwene a Ayuda!”

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Miyambo 14:2

Oyo aneeta mwawookowa annawoova Apwiya koma aneeta mookhoromana annaavevulla.

Masalimo 35:16

Athwaayo yaanavirellella okinyemulla mweepewe, enakittheya mookillumella miino.

Yobu 16:20

Akhwaaka emmakinyindulla, miitthwaaka enarupa miitthori omwinllella Mulluku.

Yobu 11:3

Ethiyo otokollolla ttuuwaamaka athu vayanoni? Ethiyo waavevullaka ahikhallevo awuuhumullulla?

Yobu 6:29

Mukeerelle echifundo, hiyani ddoohilungama, muhikiipe mullatu vawi kiri oolungama.

Mateyu 9:24

aallota wi, “Khumani, attheene! Namwalloolla khakhwille koma animakona!” Vano attheene yaamuttheya mweepewe.

Yobu 9:21

Naari kihinna mullatu, kinniinyaambusa meekha, kinnawuvevulla okumaaka.

Yobu 12:5

Muthu oohitikheya annavevulla otulli. Otulli onammorella ooserenguwa.

Yobu 13:18

Koowukhozekella phaama mullatwaaka, koodduwella wi kiri oohilakwa.

Yobu 30:9

Koma vano kootthattuwa echipwiiwa, kookhalla yoottheellihiiwa.

Yobu 34:7

Ethiyo ookhallavo muthu oophwanaphwana ni Yobu, oowirya epewe wonanko maaddi?

Yeremiya 20:7

Nyu Apwiya, mookilleka, ddawoona, kaallekeya. Nyu tti amasiva okikhwaranya miyaano, ddawoona, mookigonjiha. Arive muthu animakittheya nllapo nittheene, arive muthu animakivevulla moohihiyerera.