Yobu 11:7 - Mawu a Mulluku

⁷ Ethiyo weyaano ttuuwiiwesesa ddoovittheya dda Mulluku? Ethiyo ttuudduwella vookomella ezeru dda Amasiva Mattheene?

Yobu 11:7 ပူးပေါင်းရင်းမြစ်များ

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Oollalleya 3:11

Aayireeriha erive ello va enthawiiwa. M'murimani mwa athu Mulluku aahiyamottho ddoohimalla va mibado ddittheddene. Komathi athwaayo khewora oddikhumellella ddittheddene dda Mulluku waambeella vawaamba ophiyera vamamallihello.

Masalimo 145:3

Apwiya tti uullupalli, oophwanella otitimihiwa wunchichi, wunnuwa wiwa tti wookatamiha owiiwesesa.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Yesaya 40:28

Ethiyo khawaadduwella? Ethiyo khawiiwalle? Apwiya sika Mulluku oohimalla, oophatusa a ellapo yavatthi ettheene, khenatopa apaalle ofooka, khaavo aniiwesesa ezeru ddiwa.

Masalimo 77:19

Ettillaanyu yaweelle va enyanja, musewaanyu waaweelle vamaaddini oowallamella, nave manyallwaanyu kheyaawooneyille.

Yobu 37:23

Amasiva Mattheene khaniwora omwaatamella, tti muullupalli m'masivani ni mu echilungamo, tti oolungamesesa wawi khani ahoose.

Yobu 5:9

Mitteko ddaye tti dduullupalli ni ddoohiiweyesesa, tti ddoottikhiniha ni ddooheerengeya.

1 Akorinto 2:16

Vawi mawu a Mulluku enallota wi, “Ethiyo anadduwella maganizo a Apwiya ttaani? Ethiyo ttaani anaawore omulangiza? Hiyaano nookhalla ni maganizo a Khrisitu.”

1 Akorinto 2:10

Koma Mulluku ahuupullulla wa hiyaano yoovittheyaaye mwa munepaaye. Munepa annoona erive ello naari owallamella wa maganizo a Mulluku.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Yobu 26:14

Nndda tti ddooyevave dda ettilla ddaye, ninniiwa vang'ono dda olliye moonong'ona. Vano ttaani aniiwesese dda ogugudeya wa masivaaye?”

Yobu 22:12

Ethiyo Mulluku khanakhalla muddullu? Wehani etheneeri ddiitthomeyille muddullunnddo, onani orekama wene ddiriiwamvo.

Yobu 33:12

Yobu, kinuulleella wi khawenre ddaphaama vawi Mulluku tti muullupalli omukhwaranya muthu.

Yobu 33:13

Ethiyo onavaanyihellana tini ni olliye wi khanaakhulla erive mawu a muthu?

Yobu 36:26

Ngoonani, Mulluku tti muullupalli, khannamudduwella naari vang'ono, miyakha ddaye khaddinadduwanyeya.

Yobu 37:5

Mulluku annathuruma moottikhiniha ni mawaaye, anneera dduullupalli ddoohiiweseseya.

Oollalleya 7:24

Erive ello eri woorekamellesesa ni woowallamellesesa. Ttaani anaawore oyiphwanya?

Yobu 27:11

Kineerewuuhuddihani dda nnatta na Mulluku, yookhalla mwa Amasiva Mattheene ngiyiipitthiha.

Yobu 35:5

Ngawehani oddullu moone, onani asimirapo muddullu mwanyummo.

Yobu 42:3

Mwaakikoha wi. ‘Ethiyo ttaani ananariha malangizo ahidduwellaka erive ello?’ Ddawoona, kaallota nnddo kahidduwelleemi ddoottikhiniha nnddo kahiddiweseselliime phaama

Masalimo 139:6

Ezeru ddenndda tti ddookittikhiniha, tti ddoowallamella, ngiwora oddiphiyera.

Miyambo 30:4

Ttaani awenlle oddullu akitthawo? Ttaani akhunalleke ephevo? Ttaani amakilleke maaddi vakuwoni? Ttaani akeraatthihalle makomihello a ellapo yavatthi? Nnddina naye ttaani? Munnadduwella, mwanaye nnddina naye ttaani?