Yobu 11:6 - Mawu a Mulluku

⁶ Aaweerewuutthopoollella ddoovittheya ddeezeru vawi ezeru ddaye tti ddoowallamellesesa. Dduwella wi Mulluku animuullaka vang'ono, moohillikana ni ddoolakwa ddawo.

Yobu 11:6 ပူးပေါင်းရင်းမြစ်များ

Ezara 9:13

Nave ddittheddenenndda ddinimorelle ekaamba ya machimwaahu muullupalli. Naarive ddiri ddiiddo, nyu Mullukwaahu munillakille vang'ono moohillikana ni machimwaahu nave mooneeriha wi nihalle wonanko ddikhallelliiwammu.

Maliro 3:22

Echikondi yoohisintheya ya Apwiya khewa emalla, echifundwiiwattho khenamalla.

Aefeso 3:5

Khalle yoovittheya yeella kheyaadduwellihiwe wa athu koma vano Mulluku ohuupullulla wa amurummwa ni anamallotellaaye aweella oweella mwa Munepa.

Mateyu 13:35

Aheera nndda wi ddikwakhwanelle nnddo allotille namallotella Yesaya wi, “Kineerophariha mutteko maphwanaphwaniho kaallotaka. Kineerewaalleella ddeko ddoovittheya waambeella va ophatuwa wa ellapo yavatthi.”

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Yobu 15:8

Ethiyo waarina nimodda alangizi a Mulluku? Ethiyo oneesa eezeru tti weekhave?

Daniele 2:47

Mwene aallota wi, “Ddawoona Mullukwaawo tti Mulluku a milluku ddittheddene navettho sika Apwiya a mamwene mattheene. Sika awuupullulla ddawiipittheya ddittheddene vawi weyaano woowora okuupullullella yawiipittheyeella.”

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

Yobu 15:11

Ethiyo okhurumusa murima wa Mulluku wohuuyevella apaalle mawu awuuphiyera moomaalleyaalla?

Yobu 15:5

Machimwaawo ennalamulella eyanwaawo, onaddiipitthiha vawiishani nllumi.

Yobu 9:4

Mulluku tti eezeru ni amasiva, khaavo anaallipanena ni opambana.

Deuteronomo 29:29

“Vookhalla ddeko ddimodda nnddo Apwiya Mullukwaahu yahuupullullalliiwa wa hiyaano koma aanupullullella malamulwiiwa ayo hiyaano ni edduullu ddahu ninaphwanelleehu owiiwellella enthawi ddittheddene.”

Masalimo 103:10

Khenanillaka moollikana ni machimwaahu, khenanihokollosella moollikana ni ddoonanara ddahu.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Yobu 11:5

Koma ha, waphaama Mulluku allotilleke, ahullalleke eyanwaaye mowuuhumullulla.

Yobu 12:13

Koma Mulluku ookhalla ni ezeru ni masiva, ookhallattho ni odduwellesesa ni mwambo.

Yobu 22:5

Ethiyo machimwaawo kheyaatille, olakwa wawo khonna malire?

Yobu 33:12

Yobu, kinuulleella wi khawenre ddaphaama vawi Mulluku tti muullupalli omukhwaranya muthu.