Yobu 11:12 - Mawu a Mulluku

¹² Valle mukarangeya khawa atthattuwa eezeru, vaavove enama ddamuhakani dditthattuwalle eziweto.

Yobu 11:12 ပူးပေါင်းရင်းမြစ်များ

Yakobo 2:20

Ethiyo onnapaalla omboni wawi echikhulupililo yoohikhalla ni mitteko khenna mphuro, muthu ookarangeya we?

Oollalleya 3:18

Ollota dda athu, kaallotattho m'murimani wi Mulluku annaweesa ni yoolinga yawi yoone wi alliwaayo khenahiyana naari vang'ono ni enama.

Masalimo 73:22

Kaakarangeya oohiiwesesa wonanko enama

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Aroma 12:16

Mukhalleke mwawiiwanana mmodda ni mukhwaaye. Nave muhiitukhulleke koma mwaakhullelle weera ddeko ddawiiyeviha nave muhiganizeke wi muri eezeru.

Aroma 1:22

Alliwaayo enaddeesa tti athu eezeru koma tti ookarangeya.

Yeremiya 2:24

Tti wonanko embizi yaamutthiyana, yooddollweella muutthakoni, yoovumella muddullu voovihani mwiilli. Ethiyo anaayivaanye ttaani munkhelliiwa? Arive nankhoro ooyipaalla khakatamihiwa, anaayiphwanye enthawi anapaallelleeye.

Masalimo 92:6

Muthu oohikhalla ni ezeru khanadduwella, muthu ookarangeya khaniiwesesa ddenndda.

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Yobu 15:14

Ethiyo muthu tti tini wi ttuukhalla oohichimwa, ooyariwa ni mutthiyana ttaani wi ttuukhalla oolungama?

Yobu 6:5

Ethiyo bulu ttuuwinlla ari ni munyepu? Ethiyo eng'ombe ttuuwinlla eri ni yoocha?

Yobu 5:13

Annaamaka atambwali ni musampha wa owaraalla wiwa, annakukureyiha mwawaakuva ddoolinga ddiwa.

Masalimo 39:5

Ngoonani, mookivaha mallapo ooyeva, enthawi ya okumaaka khe ello vamiitthoni vanyu. Ddawoona, arive muthu tti mpweyave.

Masalimo 39:11

Munnamullaka muthu voomuhumullullani ekaamba ya machimwaaye, munnoononga nnddo anaddikondeeye wonanko enjenjete. Ddawoona, arive muthu tti mpweyave.

Masalimo 144:4

Muthu ari wonanko mpweya, mallapwaaye tti wonanko muuthuuchi woohillekella.

Oollalleya 1:2

Ddittheddene khaddinna mutteko, anallota tti Oollalleya, ddittheddene khaddinna mutteko! Ddawoona, ddittheddene khaddinna mutteko!

Oollalleya 11:10

Sika vano venyiha ddookhupanyiha m'murimani mwawo, rapa ddawuuhoosa m'mwiillini mwawo. Vallethi esombwe ni enamwani tti ya mallapo ooyeva.