Yobu 11:11 - Mawu a Mulluku

¹¹ Mulluku annaadduwella athu awoottha! Ethiyo khapwatha oona ddoonanara?

Yobu 11:11 ပူးပေါင်းရင်းမြစ်များ

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Masalimo 10:14

Komathi nyuwaano munnamoona, munnadduwella ddookatamiha ni ddoohoosa nave munneeravo ello. Oopaalla okaviheriwa enniivelleella wa nyuwaano, alliwattho akhwaadduni munnaakavihera.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Habakuku 1:13

Nyu a miittho aweella, oohittumera ello yoonanara apaalle yookatamiha. Munamuttumerella tini muthu oolleka? Muneerella tini ellapo tuu oonanara yaamumiryaka oolungama wamukhwaranya alliwa?

Hoseya 7:2

Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Masalimo 94:11

Apwiya ennadduwella maganizo a athu wi tti oohikhalla ni mutteko.

Masalimo 10:11

Oonanara m'murimani mwaye anallota wi, “Mulluku khanapwathawo, ookhuneella owiitthoni, khakoona.”

Masalimo 35:22

Nyu Apwiya, moonille ddenndda, muhineera ellapo tuu! Nyu Apwiya muhinakirekamella miyaano.

Yobu 24:23

Mulluku ttuuwaateteza oonanara, annaavaha murendelle, annawehesesattho ettilla ddiwa.

Yobu 28:24

Vawi annaweha ophiyera wookomella ellapo, annoona ddittheddene dda vatthi va mirapo.

Yobu 31:4

Ethiyo Mulluku khanoona ettilla ddaka ni othwara manyallwaaka mattheene?

Masalimo 33:13

Apwiya oddullu aawarama, enaaweha athu vatthimva.